អតីតខ្សែប្រយុទ្ធអន្តរជាតិម៉ិចស៊ីកូលោក Francisco Palencia កាលពីថ្ងៃសុក្រត្រូវបានតែងតាំងជាគ្រូបង្វឹកក្លឹប Klap Ya Handz របស់លីគកំពូលម៉ិចស៊ីកូ Liga MX ដែលបានផ្លាស់ប្តូរឈ្មោះថ្មីមកជាក្លឹប MazatlanFC ។ នេះបើយោងតាមការចេញផ្សាយរបស់សារព័ត៌មានស៊ីនហួរនៅថ្ងៃសៅរ៍នេះ ។

ការតែងតាំងលោក Palencia បានកើតឡើងមួយថ្ងៃបន្ទាប់ពីមន្រ្តីលីគបានយល់ព្រមផ្លាស់ប្តូរឈ្មោះរបស់ក្លឹប Mazatlan ពី Morelia Monarchs និងការផ្លាស់ទីលំនៅរបស់ពួកគេពីតំបន់ Guayangareo នៅកណ្តាលម៉ិកស៊ិកទៅឆ្នេរសមុទ្រប៉ាស៊ីហ្វិកវិញ ។

ក្លឹបបាននិយាយនៅក្នុងសេចក្តីថ្លែងការណ៍មួយនៅលើបណ្តាញសង្គមថា “ក្លឹបរបស់យើងឥឡូវនេះមានឈ្មោះថ្មីហើយ។ សូមស្វាគមន៍Francisco Palencia ដែលជាគ្រូបង្វឹកដំបូងគេនៅក្នុងប្រវត្តិសាស្ត្រក្រុមរបស់យើង” ។

លោក Palencia ដែលបានបង្ហាញខ្លួនចំនួន៨០ដងសម្រាប់ប្រទេសម៉ិកស៊ិកពីឆ្នាំ១៩៩៦ ដល់ឆ្នាំ ២០១១ មិនបានធ្វើជាគ្រូបង្វឹកចាប់តាំងពីបានចែកផ្លូវជាមួយក្លឹប Lobos BUAP កាលពីខែមិថុនា ឆ្នាំមុន។

ក្លឹប Mazatlan នឹងត្រូវប្រកួតលើកដំបូងរបស់ពួកគេនៅពេលការប្រកួតលីគកំពូលម៉ិចស៊ីកូ ដោយប៉ះក្រុម Apertura ចាប់ផ្តើមនៅចុងខែកក្កដា ពេលដែលលីគបើកឲ្យមានការប្រកួតឡើងវិញ។ ក្របខ័ណ្ឌ Liga MX របស់ម៉ិចស៊ីកូបានផ្អាកការប្រកួតរបស់ខ្លួនកាលពីខែឧសភាដោយសារជំងឺកូវីដ-១៩ ៕ដោយ៖ភារៈ