កណ្ដាល បុរសអាយុ៦០ឆ្នាំម្នាក់ ត្រូវបានរន្ទះបាញ់ស្លាប់ភ្លាមៗនៅនឹងកន្លែង បន្ទាប់ពីបុរសរងគ្រោះចេញពីផ្ទះទៅដឹកគោចូលក្រោល ខណៈមេឃកំពុងភ្លៀងរលឹមស្រិចៗ។ ករណីនេះ បាននកើតឡើង កាលពីថ្ងៃទី ១៦ ខែមិថុនាឆ្នាំ២០២០ វេលាម៉ោង ១៨និង០០នាទី ត្រង់ចំណុចវាលបឹងឈូក ស្ថិតក្នុងភូមិព្រែកហូរលិច១ សង្កាត់ព្រែកហូរ ក្រុងតាខ្មៅ ខេត្តកណ្តាល។
មន្ត្រីនគរបាលក្រុងតាខ្មៅបានឲ្យដឹងថា ជនរងគ្រោះឈ្មោះ ឆាង សុខ ភេទប្រុស អាយុ៦០ឆ្នាំ.ជនជាតិ ខ្មែរ មុខរបរ កសិករ ទីលំនៅ ភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្តាល ។
ប្រភពដដែលបន្តថា តាមការបំភ្លឺរបស់កូនជនរងគ្រោះឈ្មោះ.សុខ បញ្ញា. ភេទប្រុស. អាយុ២៩ឆ្នាំ បានឲ្យដឹងថា៖. នៅថ្ងៃទី១៦.ខែមិថុនា.ឆ្នាំ២០២០.វេលាម៉ោង១៤និង៣០នាទី. ជនរងគ្រោះបានទៅក្រោលគោនៅជិតបឹងឈូកដើម្បីលែងគោឲ្យស៊ីស្មៅ ទៅជាមួយកូនប្រុស២នាក់.និងចៅស្រី១នាក់.។ លុះវេលាម៉ោង១៦និង០០នាទី.ថ្ងៃខែឆ្នាំដដែល ដោយមានភ្លៀងធ្លាក់ រលឹមតិចៗ ជនរងគ្រោះនិងកូន២នាក់ និងចៅស្រី បានចុះទៅឃ្វាលគោឲ្យចូលក្រោលវិញ ដោយនៅចំងាយ៥ម៉ែត្រទៅ៦ម៉ែត្រពីជនរងគ្រោះ. ខណៈនោះស្រាប់តែមានរន្ទះបាញ់ចំជនរងគ្រោះ ធ្វើឲ្យជនរងគ្រោះដេកដួលនៅលើដី. ភ្លាមនោះ ក្រុមគ្រួសារកូនចៅក៏បាននាំគ្នាដឹកជនរងគ្រោះទៅពេទ្យភូមិនៅព្រែកហូរ ឲ្យជួយមើល ប៉ុន្តែជនរងគ្រោះបានស្លាប់បាត់ទៅហើយ រួចទើបរាយការណ៍ ជូនសមត្ថកិច្ចចុះធ្វើការពិនិត្យ។
បន្ទាប់ពីនគរបាលជំនាញទទួលបានព័ត៍មានខាងលើ ភ្លាមនោះក៏ចុះមកធ្វើការពិនិត្យ កោសល្យវិច្ច័យ
រួចបញ្ជាក់ថា ជនរងគ្រោះ ពិតជាស្លាប់ដោយសារ រន្ទះបាញ់ពិតប្រាកដមែន ។ សាកសពជនរងគ្រោះ ត្រូវ បានប្រគល់ជូនក្រុមគ្រួសារធ្វើបុណ្យតាមប្រពៃណី៕
