ភ្នំពេញ៖ ជនសង្ស័យ២នាក់ពីនាក់ត្រូវកម្លាំងនគរបាលប៉ុស្តិ៍រដ្ឋបាលក្រាំងធ្នង់ឃាត់ខ្លួនបានជាបន្តបន្ទាប់ករណីឆក់ទូរស័ព្ទដៃពីបុរសម្នាក់។
ករណនេះកើតឡើងកាលពីវេលាម៉ោង២០និង៤០នាទី ថ្ងៃទី២២ ខែមិថុនា ឆ្នាំ២០២០ នៅចំណុតាមផ្លូវបេតុង ភូមិត្រពាំងមាន សង្កាត់ក្រាំងធ្នង់ ខណ្ឌសែនសុខ។

សមត្ថកិច្ចប្រាប់ថា៖ ជនសង្ស័យមាន ឈ្មោះ​ ខឿន រ៉ាវុធ ភេទប្រុស អាយុ២៧ឆ្នាំ ជនជាតិខ្មែរ មុខរបរគ្មាន ស្នាក់នៅសង្កាត់គោករកា ខណ្ឌព្រែកព្នៅ (មានសារធាតុញៀន) ។ និងម្នាក់ទៀត ឈ្មោះ សុខ ភារិទ្ធ ហៅ មិក ភេទប្រុសអាយុ២០ឆ្នាំ មុខរបរមិនពិតប្រាកដ ស្នាក់នៅភូមិអណ្តូង៦ សង្កាត់គោករការ ខណ្ឌព្រែកព្នៅ។
ចំណែកម្ចាស់ទូរស័ព្ទមាន ឈ្មោះ​ ភូ ភារិទ្ធ ភេទប្រុស អាយុ១៧ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅក្នុងការដ្ឋានសំណង់ ភូមិត្រពាំងមាន សង្កាត់ ក្រាំងធ្នង់ ខណ្ឌសែនសុខ ។
នគរបាលប៉ុស្តិ៍រដ្ឋបាលក្រាំងធ្នង់បានឲ្យដឹងថា៖ មុនពេលកើតហេតុជនរងគ្រោះបានជិះម៉ូតូតាមផ្លូវដោយស្ថានភាពងងឹតគាត់បានយកទូរស័ព្ទដៃចុចបំភ្លឺផ្លូវលុះមកដល់ចំណុចកើតហេតុស្រាប់តែលេចមុខជនសង្ស័យ២នាក់ជិះម៉ូតូម៉ូតូ០១គ្រឿង ម៉ាកហុងដាសេ១១០ ពណ៌ខ្មៅ ពាក់ស្លាកលេខភ្នំពេញ-3320 មកពីក្រោយដោយជនសង្ស័យម្នាក់ដែលជិះពីក្រោយធ្វើសកម្មភាពឆក់ទូរស័ព្ទដៃពីជនរងគ្រោះបានសម្រេចហើយរត់គេចខ្លួន ពេលនោះសមត្ថកិច្ចបានឃាត់ខ្លួនជនសង្ស័យម្នាក់។ លុះព្រឹកឡើងថ្ងៃទី២៣ ខែមិថុនា ឆ្នាំ២០២០សមត្ថកិច្ចបានស្រាវជ្រាវឃាត់ខ្លួនបានជនសង្ស័យម្នាក់ទៀត។
សម្ភារៈបាត់បង់ ទូរសព្ទ័ដៃ០១គ្រឿង ម៉ាកVIVO ។ សម្ភារៈបន្សល់ទុក ម៉ូតូ០១គ្រឿង ម៉ាកហុងដាសេ១១០ ពណ៌ខ្មៅ ពាក់ស្លាកលេខភ្នំពេញ-3320របស់ជនសង្ស័យ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ដោយ៖ ចន្ទ លីហ្សា