តាមការចេញផ្សាយរបស់ BBC Sport នៅថ្ងៃអង្គារនេះ បានបង្ហាញពីទីផ្សារដោះដូរកីឡាករមួយចំនួនដែលអាចកើតឡើង ឬក៏អាចជាពាក្យចចាមអារ៉ាម។ យោងតាមការចេញផ្សាយខាងលើ “គេហទំព័រនគរវត្ត” សូមធ្វើការបង្ហាញពីទីផ្សារដោះដូរកីឡាករនៅតំបន់អឺរ៉ុបសម្រាប់ថ្ងៃនេះដូចខាងក្រោម៖

១-ក្លឹប Chelsea អាចបង្វែរការចាប់អារម្មណ៍ទៅលើខ្សែការពារស្លាបឆ្វេងរបស់បារាំង Paris St-Germain អាយុ២៧ឆ្នាំប្រសិនបើពួកគេមិនអាចចុះហត្ថលេខាលើកីឡាករអន្តរជាតិអង់គ្លេស Ben Chilwellវ័យ២៣ឆ្នាំរបស់ក្លឹប Leicester ។

២-ក្លឹប Liverpool បានធ្វើការដេញថ្លៃចំនួន៥៤លានផោនសម្រាប់ខ្សែការពារ Napoli និងខ្សែការពារសញ្ជាតិសេណេហ្គាល់ KalidouKoulibaly។ កីឡាករវ័យ២៩ឆ្នាំរូបនេះក៏មានការចាប់អារម្មណ៍ពីក្លឹបManchester United និង Chelsea ផងដែរ។

៣- ក្លឹប Barcelona មានទំនាក់ទំនងជាមួយខ្សែប្រយុទ្ធ Inter Milan កីឡាករ Lautaro Martinez វ័យ២២ឆ្នាំ ប៉ុន្តែនាយកប្រតិបត្តិក្លឹបអុីតាលីលោក Giuseppe Marotta មានប្រសាសន៍ថា កីឡាករអន្តរជាតិអាហ្សង់ទីនរូបនេះមិនដែលបង្ហាញពីបំណងចង់ចាកចេញពីក្លឹបនោះទេ។

៤-ក្លឹប Barcelona បានបើកការចរចាលើកិច្ចសន្យាថ្មីរយៈពេល២ឆ្នាំសំរាប់កីឡាករអាហ្សង់ទីន Lionel Messi ដែលមានអាយុ៣៣ឆ្នាំកាលពីថ្ងៃពុធ។

៥- ក្លឹប Juventus សុខចិត្តផ្តល់ជូនកីឡាករអន្តរជាតិអុីតាលី២រូបគឺខ្សែការពារ Daniele Rugani វ័យ២៥ឆ្នាំនិងខ្សែបម្រើស្លាប Federico Bernardeschi វ័យ២៦ឆ្នាំ ឲ្យទៅក្លឹប Wolves ក្នុងគោលបំណងកាត់បន្ថយថ្លៃដើមនៃកិច្ចព្រមព្រៀងមួយសំរាប់ខ្សែប្រយុទ្ធមុិចស៊ីកូRaul Jimenez វ័យ២៩ឆ្នាំ។

៦- ក្លឹប Roma អាចបន្តកុងត្រាលក្ខខណ្ឌខ្ចីជើងរបស់ខ្សែការពារ Chris Smalling ពីក្រុមបិសាចក្រហម Manchester United សម្រាប់រដូវកាលថ្មីមួយទៀតជាមួយនឹងជម្រើសក្នុងការទិញរូបគេ ខណៈដែលការចរចានៅតែបន្តលើអនាគតរបស់កីឡាករវ័យ៣០ឆ្នាំរូបនេះ។

៧-ក្លឹប Roma បានផ្តល់ជូនខ្សែការពារសញ្ជាតិបែលហ្សិករបស់ក្លឹប Tottenham កីឡាករ Jan Vertonghen វ័យ៣៣ឆ្នាំនូវកិច្ចសន្យារយៈពេល២ឆ្នាំជាមួយនឹងជម្រើសរហូតដល់៣រដូវកាល ។

៨–ក្លឹប Fenerbahce នៅលីគកំពូលទួរគីកំពុងរៀបចំយុទ្ធនាការរៃអង្គាសប្រាក់មួយក្នុងចំណោមអ្នកគាំទ្ររបស់ពួកគេដើម្បីព្យាយាមជួយចុះហត្ថលេខាលើអតីតកីឡាករឆ្នើមរបស់អាល្លឺម៉ង់ Mesut Ozilវ័យ៣១ឆ្នាំមកពីក្រុម Arsenal ។

៩– លោក Mikel Arteta គ្រូបង្វឹកក្រុមកាំភ្លើងធំ Arsenal អាចពិចារណាការផ្ទេរដោយឥតគិតថ្លៃសម្រាប់អ្នកចាំទីអង់គ្លេស Joe Hart វ័យ៣៣ឆ្នាំដែលក្លឹប Burnley ចាប់អារម្មណ៍នៅចុងខែនេះ បន្ទាប់ពីអ្នកចាំទីសញ្ជាតិអាល្លឺម៉ង់ Bernd Leno វ័យ២៨ឆ្នាំបានរងរបួសពេលប្រកួតជាមួយ Brighton ។

១០– ក្តីសង្ឃឹមរបស់ក្លឹប Leeds United ក្នុងការចុះហត្ថលេខាអ្នកចាំទីអាហ្សង់ទីន Emiliano Martinez វ័យ២៧ឆ្នាំមកពីក្លឹប Arsenal អាចនឹងទទួលរងនូវការប៉ះទង្គិចយ៉ាងខ្លាំងបន្ទាប់ពីរងរបួសក្នុងពេលប្រកួតកន្លងទៅ។

១១– អតីតខ្សែប្រយុទ្ធអន្តរជាតិប្រេស៊ីលនិយាយថា ក្លឹប Real Valladolid នឹងបើកចំហចំពោះកីឡាករអន្តរជាតិឈីលី Alexis Sanchez ប្រសិនបើកីឡាករវ័យ៣១ឆ្នាំរូបនេះមិនជោគជ័យនៅ Inter Milan ដែលជាកន្លែងរូបគេខ្ចីជើងពីក្លឹប Manchester United ។

១២– ក្លឹប Everton បានចូលរួមប្រកួតប្រជែងដើម្បីចុះហត្ថលេខាជាមួយខ្សែការពាររបស់ក្លឹប Real Valladolid គឺកីឡាករ Mohammed Salisu វ័យ២១ឆ្នាំ។ កីឡាករសញ្ជាតិហ្គាណាដែលមានតម្លៃខ្លួន១០.៨លានផោនក្នុងកិច្ចសន្យារបស់គាត់ក៏គួរឲ្យចាប់អារម្មណ៍ផងដែរគឺក្លឹប Southampton និង Manchester United ។

១៣-ក្លឹប Everton និងខ្សែបម្រើសញ្ជាតិបារាំង Morgan Schneiderlin វ័យ៣០ឆ្នាំគ្រោងនឹងចាកចេញពីកីឡដ្ឋាន GoodisonPark បន្ទាប់ពីមានការចាប់អារម្មណ៍ពីក្លឹបលីគកំពូលបារាំង Ligue 1 ដែលជាក្រុមដ៏ល្អមួយ។ ប៉ុន្តែក្លឹបនោះមិនទាន់ត្រូវបានគេទម្លាយឲ្យដឹងនៅឡើយទេ។

១៤–ក្លឹប PFC Slavia Sofia បាននិយាយថា កិច្ចព្រមព្រៀងមួយត្រូវបានធ្វើឡើងនៅទីក្រុង Manchester ដើម្បីបញ្ចប់ការចុះហត្ថលេខាលើខ្សែបម្រើសញ្ជាតិប៊ុលហ្គារី Filip Krastev វ័យ១៨ឆ្នាំ។

១៤– មន្ត្រីក្លឹប Birmingham City ម្នាក់បានឲ្យកៅអីអង្គុយរបស់ខ្លួនទៅម្តាយរបស់កីឡាករ Jude Bellingham អាចទស្សនាការប្រកួតក្របខ័ណ្ឌអង់គ្លេស Championship របស់ពួកគេនៅ West Brom ។ ខ្សែបម្រើសញ្ជាតិអង់គ្លេសវ័យ១៦ឆ្នាំរូបនេះ ក៏មានការចាប់អារម្មណ៍ខ្លាំងពីក្លឹបបិសាចក្រហម Manchester United និងក្លឹប BorussiaDortmund ផងដែរ ៕ដោយ៖ភារៈ