ភ្នំពេញ៖ បុរស២នាក់ត្រូវបានរថយន្តសាមុយដឹកយកទៅសង្គ្រោះនៅមន្ទីពេទ្យភ្លាមៗ ខណៈពួកបានជិះម៉ូតូឌុបគ្នាក្នុងល្បឿនលឿនហើយបានជែងរថយន្តមួយគ្រឿង ហើយក៏ជ្រុលទៅប៉ះរថយន្តមួយគ្រឿងទៀត ដែលធ្វើដំណើរបញ្ច្រាស់ទិស។
ហេតុការណ៍នេះបានកើតឡើងកាលពីវេលាម៉ោង១០និង៥០នាទីយប់ ថ្ងៃទី២៨ ខែមករាឆ្នាំ២០១៦ នៅចំណុចមុខទីស្នាក់ការនគរបាលប៉ុស្តិ៍ទន្លេបាសាក់ តាមបណ្តោយផ្លូវសុធារស់ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បើកតាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញបុរស២នាក់បានជិះម៉ូតូមួយគ្រឿងម៉ាកស៊ីរូស ពណ៌ស ពាក់ស្លាកលេខភ្នំពេញ1FC 2777 ធ្វើដំណើរតាមបណ្តោយផ្លូវសុធារស់ ក្នុងទិសដៅពីត្បូងទៅជើងក្នុងល្បឿនលឿនហើយបានវ៉ារថយន្តមួយគ្រឿងមិនចាំម៉ាកក៏ជ្រុលទៅប៉ះជាមួយរថយន្តមួយគ្រឿងទៀតដែលធ្វើដំណើរបញ្ច្រាស់ទិសគ្នាបណ្តាលអោយដួលបោកទៅនិងថ្នល់រងរបួសធ្ងន់ទាំង២នាក់ចំណែករថយន្តបានបន្តដំណើរទៅមុខបាត់។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យ ចំណែកម៉ូតូសមកិច្ចបានប្រគល់អោយបងប្អូនយកទៅជួសជុលខ្លួនឯង ៕
ដោយ៖ ភារ៉ា ដង្កោ
