ក្រុមហ៊ុនSK Bioscience ដែលជាក្រុមហ៊ុនរបស់កូរ៉េខាងត្បូងទទួលបានការគាំទ្រពី មូលនិធិ Bill Gates អាចផលិតវ៉ាក់សាំងប្រឆាំងកូវីដ១៩ដល់ទៅ២០០លានដូស នៅក្នុងខែមិថុនា ឆ្នាំ២០២១។
លោក Bill Gates បានសហការយ៉ាងស្អិតរមួតជាមួយក្រុមហ៊ុនកូរ៉េខាងត្បូង។ តាមព័ត៌មានពីការិយាល័យប្រធានាធិបតីកូរ៉េខាងត្បូង មហាសេដ្ឋី Bill Gates និង ប្រធានាធិបតីម៉ូនជេអុីន បានជួបពិភាក្សាតាមទូរស័ព្ទកាលពីខែមេសា ឆ្នាំ២០២០ ស្តីពីកិច្ចសហប្រតិបត្តិ ផលិតវ៉ាក់សាំងប្រឆាំងកូវីដ១៩ ។
បច្ចុប្បន្នបណ្តាប្រទេសអភិវឌ្ឍន៍កំពុងតែប្រកួតប្រជែងក្នុងការផលិតវ៉ាក់សាំង ប្រឆាំងកូវីដ១៩ ។ លោកBill Gates បានប្រកាសថា លោកវិនិយោគទៅលើបណ្តារោងចក្រជុំវិញពិភពលោកក្នុងការផលិតវ៉ាក់សាំងប្រឆាំងកូវីដ១៩ ក្នុងនោះមានទាំងក្រុមហ៊ុនអាមេរិកផងដែរ។
លោក Bill Gates គឺជាបុគ្គលដែលធ្វើសកម្មភាពមនុស្សធម៌ដ៏ល្បីល្បាញនៅលើពិភពលោក ។ លោកBill Gatesនិងភរិយា Melinda Gates បានបចំណាយប្រាក់រហូតដល់ទៅ៣៦ពាន់លានដុល្លារ ទៅលើមូលនិធិ Bill and Melinda Gates ក្នុងគោលដៅបង្កើនការថែទាំសុខភាពនៅលើពិភពលោក។ មូលនិធិ របស់មហាសេដ្ឋីទទួលបានការគាំទ្រខ្លាំងដោយមានអ្នកបរិចាកជាច្រើនក្នុងមូលនិធិនេះផងដែរ។
ជាមួយគ្នានេះដែរ លោក Bill Gatesបានអំពាវនាវដល់ក្រុមអ្នកផ្តល់ជំនួយបន្តសកម្មភាពបរិចាកប្រាក់របស់ខ្លួនដើម្បីការស្រាវជ្រាវនិងផលិតវ៉ាក់សាំងប្រឆាំងកូវីដ១៩៕
