ខេត្តព្រះសីហនុ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានប្រាប់ឲ្យដឹងនៅរសៀលថ្ងៃទី១៤ ខែសីហា ឆ្នាំ២០២០ថា កាលពីវេលាម៉ោង ១០និង៣០នាទីយប់ថ្ងៃ ទី១៣ ខែសីហា ឆ្នាំ២០២០ មានករណីចាប់មនុស្សបញ្ជូលក្នុងរថយន្តនៅចំណុចហាង លក់សម្លៀកបំពាក់ កូកូ កែងតំបន់មហោស្រពចាស់ ក្នុងសង្កាត់លេខ២ ខេត្ត-ក្រុងព្រះសីហនុ ។ ជនសង្ស័យមានគ្នាចំនួន០៣នាក់ ដែលមានភិនភាគដូចខាងក្រោម÷

1-មនុស្សប្រុសពាក់អាវយឺតដៃខ្លី ពណ៌ខៀវចាស់ ស្លៀកខោខ្មៅជើងវែង ពាក់មួកខ្មៅ ។

2-មនុស្សប្រុសពាក់អាវយឺតដៃខ្លីពណ៌ខ្មៅ ស្លៀកខោខ្មៅជើងវែង ពាក់មួកខ្មៅ ។

3-តៃកុងមិនចុះពីលើឡាន

-រថយន្តធ្វើសកម្មភាពម៉ាក ហាយឡេនឌ័រ(HIGHLANDER) ពណ៌ទឹកមាស មិនចាំស្លាកលេខ ។

ពួកគេបានធ្វើសកម្មភាពចាប់មនុស្សស្រីម្នាក់ពាក់រូបពណ៌ខ្មៅ ដាក់ចូលទៅក្នុងរថយន្តរួចធ្វើដំណើរធ្ពោះទៅផ្លូវជាតិលេខ៤ ។

ភ្លាមៗនោះដែរ ក្រោមការចង្អុលបង្ហាញរបស់លោក ឧត្តមសេនីយ៍ទោ ជួន ណារិន្ទ ស្នងការនគរបាលខេត្ត និងបានដាក់បទបញ្ជាឲ្យលោកវរសេនីយ៍ឯក លី សុខហុី នាយការិយល័យនគរបាល ព្រហ្មទណ្ឌកម្រិតស្រាលដឹកនាំកម្លាំងសមត្ថកិច្ចជំនាញចុះស្រាវជ្រាវជាបន្ទាន់ រហូតដល់វេលាម៉ោង ៦ព្រឹកថ្ងៃទី ១៤ ខែសីហា ឆ្នាំ២០២០ ត្រង់ចំណុច ព្រែកត្រែង ស្រុកស្ទឹងហាវ ក្រុមសមត្ថកិច្ចជំនាញបានរំដោះជនរងគ្រោះបានសម្រេច ។ ដោយឡែកជនសង្ស័យកំពុងរត់គេចខ្លួន ហើយសមត្ថកិច្ចកំពុងធ្វើការស្រាវជ្រាវ និងតាមចាប់ជនសង្ស័យមកទទួលទោស ៕

ដោយ៖ ឆ្លាមសមុទ្រ

...