កីឡាករDavid Silvaបានសម្រេចចិត្តទៅចូលរួមលេងឲ្យក្លិបReal Sociedadនៅក្នុងប្រទេសអេស្ប៉ាញវិញដោយចុះកិច្ចសន្យារយះពេល២ឆ្នាំ។

​អតីតកីឡាករជម្រើសជាតិអេស្ប៉ាញវ័យ៣៤ឆ្នាំនេះលេងឲ្យក្រុមManchester Cityរយះពេល១០ឆ្នាំដោយជួយក្រុមឈ្នះពានរង្វាន់ធំៗចំនួន១១ពានរួមទាំងជើងឯកអង់គ្លេស Premier Leagueចំនួន៤ដង។

​ក្លិបManchester Cityបានប្រកាសថានឹងធ្វើរូបសំណាករបស់ខ្សែបំរើDavid Silvaនៅខាងក្រៅកីឡាដ្ឋានEtihad Stadiumដើម្បីផ្តល់កិត្តិយសដល់គាត់ដែលបានចូលរួមចំណែកជោគជ័យជាមួយនឹងក្លិបអស់រយះពេល១ទសវត្សរ៍។

​កីឡាករDavid Silvaបានផ្លាស់ពីក្រុមValenciaមកកាន់ប្រទេសអង់គ្លេសកាលពីឆ្នាំ២០១០​បានបង្ហាញខ្លួន 436ប្រកួត។ ក្លិបLazioរបស់អុីតាលីក៏បានប្រាប់ឲ្យដឹងថាពួកគេបានផ្តល់កុងត្រាឲ្យDavid Silvaរយះពេល៣ឆ្នាំ តែDavid Silvaសម្រេចចិត្តទៅកាន់ប្រទេសអេស្ប៉ាញចូលរួមក្រុមSociedadដែលជាប់ចំណាត់ថ្នាក់លេខ៦នៅLa Liga សម្រាប់រដូវកាលដែលទើបតែបញ្ចប់៕ដោយ៖ភារៈ