ភ្នំពេញ៖ យោងតាមគេហទំព័រក្នុង១បាន លើកយកពីបញ្ហាទម្លាប់មិនល្អចំនួន៦ចំណុច អាចធ្វើឲ្យយើង ឡើងទម្ងន់ដោយមិនដឹងខ្លួន និងអាចទ្រុឌទ្រោមសុខភាព ក្នុងរួមមានដូចខាងក្រោម៖
ទី១-ការញ៉ាំបង្អែម និងអាហារសម្រន់
បង្អែមដែលមានជាតិស្ករ និងម្សៅអាចបំលែងទៅជាខ្លាញ់ ហើយយើងមិនអាចដុតបំផ្លាញកាឡូរីទាំងនោះនៅពេលយប់ទេ ដែលនេះជាហេតុធ្វើឲ្យយើងឡើងទម្ងន់។ ក្រៅពីបង្អែម ការញ៉ាំអាហារសម្រន់ក្រោយអាហារពេលល្ងាចផ្តល់ថាមពលបន្ថែម ដែលអាចនឹងបង្កឲ្យមានការលំបាកក្នុងការគេង។ ដូចនេះយកល្អគួរចៀសវាងអាហារសម្រន់ដូចជានំប៉័ង និងនំឃុកគីជាដើម។
ទី២-គេងមិនគ្រប់គ្រាន់
គេងមិនគ្រប់គ្រាន់អាចប៉ះពាល់ដល់ការធ្វើមេតាបូលីស ដោយធ្វើឲ្យការធ្វើមេតាបូលីសយូរជាងមុន។ ម៉្យាងទៀត ការគេងមិនគ្រប់គ្រាន់បង្កើនកម្រិតអ័រម៉ូនករទីសូ (អ័រម៉ូនស្ត្រេស) និងធ្វើឲ្យយើងហត់ និងមិនចង់ហាត់ប្រាណ។
ទី៣-មិនញ៉ាំអាហារពេលល្ងាច
ការមិនញ៉ាំអាហារពេលល្ងាចមិនអាចជួយយើងឲ្យស្រកទម្ងន់បានច្រើនទេ ព្រោះការមិនញ៉ាំអាហារធ្វើឲ្យការធ្វើមេតាបូលីសយូរ និងធ្វើឲ្យយើងកាន់តែឃ្លាននៅពេលបន្ទាប់។ ក្រៅពីនេះក៏អាចបង្កបញ្ហាផ្សេងដូចជាធ្វើឲ្យបាត់បង់ជាលិកាសាច់ដុំ និងស្បែកយារធ្លាក់។ ប្រសិនជាយើងមិនចង់ញ៉ាំអាហារពេលយប់ យើងអាចញ៉ាំផ្លែឈើជំនួសបាន។
ទី៤- របបអាហារពេលល្ងាច
ការញ៉ាំអាហារពេលល្ងាចច្រើន ឬអាហារដែលសម្បូរដោយកាបូអ៊ីដ្រាត និងប្រូតេអ៊ីនធ្វើឲ្យការរំលាយអាហារប្រើពេលយូរ។ ការញ៉ាំអាហារបំពងពេលល្ងាចក៏អាចធ្វើឲ្យឡើងទម្ងន់ដែរ ព្រោះអាហារប្រភេទនេះមានកាឡូរីច្រើន ហើយយើងនឹងទទួលបានកោសិកាខ្លាញ់បន្ថែម។ មិនត្រឹមតែប៉ុណ្ណោះ នៅអាចរំខានដំណេកយើងទៀតផង។ ក្រៅពីប្រភេទអាហារដែលបានរៀបរាប់ខាងលើ អាហារមានជាតិហឹរក៏បង្កការលំបាកដល់ការរំលាយអាហារ និងធ្វើឲ្យប៉ះពាល់ដល់ដំណេកដូចគ្នា។
ទី៥-ញ៉ាំគ្រឿងស្រវឹង ឬជាតិកាហ្វេអ៊ីន
ផលិតផលទាំងនេះសុទ្ធតែប៉ះពាល់ដល់ដំណេក និងមានកាឡូរីច្រើន។ យកល្អយើងគួរញ៉ាំទឹកផ្លែឈើស្រស់ ទឹកដោះគោក្ដៅឧណ្ហៗ ឬផឹកទឹកធម្មតាបាន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព៖ កែសម្រួលពីគេហទំព័រក្នុងស្រុក
