អន្តរជាតិ៖ រដ្ឋមន្ត្រីការបរទេសអូស្ត្រាលី លោកស្រីMarise Payne កាលពីថ្ងៃទី៣១ ខែសីហា បានប្រកាសថា អ្នកសារព័ត៌មានអូស្ត្រាលីមានដើមកំណើតចិនដែលធ្វើការឲ្យបណ្តាញព័ត៌មាន CGTN ត្រូវបានចាប់ខ្លួននៅក្នុងប្រទេសចិន។
តាមការលើកឡើងរបស់រដ្ឋមន្ត្រី Marise Payne បានបញ្ជាក់ថា រដ្ឋាភិបាលអូស្ត្រាលីទទួលបានព័ត៌មានថា ពលរដ្ឋអូស្ត្រាលីឈ្មោះ(Cheng Lei) ត្រូវបានកម្លាំងសន្តិសុខចិនចាប់ខ្លួន។ មន្ត្រីអូស្ត្រាលីបានជួបពិភាក្សាជាមួយអ្នកសារព័ត៌មានស្រីខាងលើកាលពីថ្ងៃទី២៧ខែសីហា ។
មន្ត្រីការទូតអូស្ត្រាលី នៅប្រទេសចិនបានជួយដល់គ្រួសារ អ្នកសារព័ត៌មាន(Cheng Lei) ។ រដ្ឋមន្ត្រីការបរទេស Marise Payne បានបដិសេធធ្វើអត្ថាធិប្បាយពាក់ព័ន្ធនឹងបញ្ហាខាងលើ។
បណ្តាញព័ត៌មាន ABC បានផ្សាយថា អ្នកសារព័ត៌មាន Cheng Leiត្រូវបានចាប់ខ្លួនតាំងពីថ្ងៃទី១៤ខែសីហា ប៉ុន្តែមិនទាន់ចោទប្រកាន់ទោសនៅឡើយទេ តែត្រូវឃុំខ្លួននៅកន្លែងមួយ ។
តាមសារព័ត៌មាន SCMP បានផ្សាយថា សកម្មភាពខាងលើនឹងធ្វើឲ្យទំនាក់ទំនងរវាងចិននឹង អូស្ត្រាលីកាន់តែតានតឹងថែមទៀត ក្នុងពេលកំពុងតែតានតឹងស្រាប់ពាក់ព័ន្ធនឹងវិស័យពាណិជ្ជកម្ម ចារកម្ម និងបញ្ហាសមុទ្រចិនខាងត្បូង ៕ដោយ៖ធី រីណា
