នៅវេលាថ្ងៃត្រង់ថ្ងៃទី២៥ ខែកញ្ញា ជើងហោះហើរពាណិជ្ជកម្មអន្តរជាតិ លើកដំបូងបង្អស់របស់វៀតណាមបានចូលមកដល់អាកាសយានដ្ឋានអន្តរជាតិ ណូយបាយ (Noi Bai)នៅទីក្រុងហាណួយ ។
ជើងហោះហើរលេខ VN417 របស់ក្រុមហ៊ុនអាកាសចរណ៍ Vietnam Airlines គឺជាជើងហោះហើរអន្តរជាតិដំបូងក្រោយពីបានផ្អាកជាច្រើនខែដោយសារតែកូវីដ-១៩ ។ ជើងហោះហើរនោះមកពីទីក្រុងសេអ៊ូល កូរ៉េខាងត្បូង ។ នេះមិនត្រឹមតែជាជើងហោះហើរពាណិជ្ជកម្មដំបូងនោះឡើយ ក្រោយកូវីដ-១៩ គឺជាជើងហោះហើរដើម្បីវាយតម្លៃពីការធ្វើដំណើរក៏ដូចជាការទទួលអ្នកដំណើរអន្តរជាតិរបស់ក្រុមហ៊ុនអាកាសចរណ៍។
ដើម្បីទទួលបានជើងហោះហើរនេះ ក្រសួងចរាចរណ៍ដឹកជញ្ជូនវៀតណាម និងនាយកដ្ឋានអាកាសចរណ៍វៀតណាម ក្រុមហ៊ុនអាកាសចរណ៍វៀតណាម ភ្នាក់ងារគយ ក្រសួងសុខាភិបាល និងស្ថានប័នពាក់ព័ន្ធបានសហការគ្នាយ៉ាងស្អិតល្មួត និងវាយតម្លៃជាច្រើនខែកន្លងមកទើបអាចហោះហើរបានប្រកបដោយសុវត្ថិភាព ។
ជើងហោះហើរ លេខVN417 ហោះហើរចេញពីទីក្រុងសេអ៊ូលទៅកាន់ទីក្រុងហាណូយរបស់ក្រុមហ៊ុន Vietnam Airlines ដោយប្រើប្រាស់យន្តហោះប្រភេទAirbus A350 ។ ជើងហោះហើរនោះមានក្រុមអ្នកជំនាញ អ្នកវិនិយោគកូរ៉េខាងត្បូងនិងពលរដ្ឋវៀតណាម។ អ្នកដំណើរទាំងអស់ត្រូវតែគោរពច្បាប់ទប់ស្កាត់ការឆ្លងកូវីដ-១៩ ហើយអ្នកដំណើរត្រូវមាន លិខិតបញ្ជាក់ថាអវិជ្ជមានកូវីដ-១៩ ដែលធ្វើតេស្តតាមកម្មវិធីrealtime PCR របស់ក្រសួងសុខាភិបាល ហើយការធ្វើតេស្តគឺធ្វើមុន៣ថ្ងៃនៃការធ្វើដំណើរ។
ក្រោយពេលធ្វើដំណើរចូលដល់វៀតណាម និឹងត្រូវធ្វើតេស្តរកកូវីដ-១៩ជាថ្មី ហើយប្រសិនបើរកឃើញវិជ្ជមានកូវីដ-១៩ នឹងត្រូវបញ្ជូនទៅកាន់ទីតាំងធ្វើចត្តាឡីស័កនៅវៀតណាម និងទទួលបានការថែទាំតាមច្បាប់ដែលបានចែង។ផ្ទុយទៅវិញ បើអវិជ្ជមាននោះ អ្នកដំណើរនឹងត្រូវស្នាក់នៅក្នុងសណ្ឋាគារ ហើយនឹងបន្តត្រួតពិនិត្យលើកទីពីរក្នុងថ្ងៃទី៦ បន្ទាប់ពីចូលដល់ទឹកដីវៀតណាម។ បើគ្មានឆ្លងកូវីដ-១៩ទេ អ្នកដំណើរអាចទៅកាន់គោលដៅរបស់ខ្លួនបាន ប៉ុន្តែត្រូវនៅដាច់ដោយឡែកគ្រប់១៤ថ្ងៃផងដែរ។
ក្នុងពេលខាងមុខក្រុមហ៊ុនVietnam Airlines នឹងបន្តហោះហើរអន្តរជាតិ ចិន វៀតណាម តៃវ៉ាន់ ឡាវ កម្ពុជា ៕
