ក្តីព្រួយបារម្ភពីការឆ្លងកូវីដ១៩ ដល់ប្រធានាធិបតីអាមេរិក ពេលនេះក្លាយជាការពិតហើយ ដោយកាលពីយប់ថ្ងៃទី១ខែតុលា(ពេលវេលាអាមេរិក) ប្រធានាធិបតីអាមេរិក ដូណាល់ត្រាំ បានប្រកាសនៅលើបណ្តាញសង្គម Twitter របស់លោកថា លោកនិងភរិយាបានឆ្លងកូវីដ១៩។
ផលប៉ះពាល់ដល់សេដ្ឋកិច្ចនិងនយោបាយអាមេរិក អាស្រ័យទៅលើស្ថានភាព ជំងឺរបស់ប្រធានាធិបតិ ក្រោយឆ្លងកូវីដ១៩ មានកម្រិតធ្ងន់ប៉ុណ្ណា ។ ប្រសិនបើលោកមានកម្រិតស្រាល នឹងមិនប៉ះពាល់នោះឡើយ ផ្ទុយទៅវិញ បើកម្រិតធ្ងន់ គឺអាចប៉ះពាល់ដល់សេដ្ឋកិច្ចនយោបាយ ។
ជាច្រើនខែកន្លងមក មន្ត្រីអាមេរិក បង្ហាញក្តីបារម្ភយ៉ាងខ្លាំងពី ការឆ្លងរាលដាលកូវីដ១៩នៅសេតវិមាន ហើយពេលនេះ ក្តីបារម្ភក្លាយជាការពិត ដោយប្រធានាធិបតីនឹងមន្ត្រីជាច្រើនរូប បានឆ្លងកូវីដ១៩ ក្នុងនោះមានទីប្រឹក្សាផ្ទាល់ លោកត្រាំ ។ នៅពេលនេះមន្ត្រីជាច្រើនរូបកំពុងតែរងចាំលទ្ធផលធ្វើតេស្តរកកូវីដ១៩ ៕
