ខេត្តបន្ទាយមានជ័យ ៖ ពេញមួយព្រឹកថ្ងៃទី៦ ខែតុលា ឆ្នាំ២០២០ លោកឧត្ដមសេនីយ៍ត្រី អ៊ុន សំអន ស្នងការរងផែនការងារអត្តសញ្ញាណកម្ម ដឹកនាំកម្លាំងការិយាល័យជំនាញ អធិការដ្ឋាននគរបាលស្រុក និងប៉ុស្តិ៍នគរបាលរដ្ឋបាលសរុប ១០៥នាក់ ចុះជួយច្រូតស្រូវប្រជាពលរដ្ឋនៅវាលខាងកើត ភូមិរង្វានកើត ឃុំចំណោម ស្រុកមង្គលបូរី ខេត្តបន្ទាយមានជ័យ។
ការចុះជួយច្រូតស្រូវដោយការលិចលង់ដោយទឹកជំនន់ជូនដល់ប្រជាកសិករខាងលើនេះ ធ្វើឡើងដោយមានការយកចិត្តទុកដាក់ខ្ពស់ពីលោក ឧត្តមសេនីយ៍ត្រី សិទ្ធិ ឡោះ ស្នងការនគរបាលខេត្តបន្ទាយមានជ័យ ។
លោកឧត្ដមសេនីយ៍ត្រី អ៊ុន សំអន មានប្រសាសន៍ថា កិច្ចសហការគ្នាជួយច្រូតស្រូវប្រជាពលរដ្ឋដែលលិចលង់ដោយទឹកជំនន់នេះទោះបីមានជួបការលំបាកក្នុងការច្រូតកាត់ក្នុងទឹកនិងការដឹកជញ្ជូនក្តីតែកម្លាំងយើងបានសម្រេចច្រូតកាត់បានជាលទ្ធផលជាង១០ហិកតាផងដែរ។
លោកឧត្តមសេនីយ៍បន្តថា កម្លាំងនគរបាលខេត្តបន្ទាយមានជ័យនឹងបន្តជួយប្រជាពលរដ្ឋដែលជួបផលលំបាកនៅពេលមានគ្រោះធម្មជាតិជាបន្តទៀត៕ដោយ៖ប្រាថ្នា
