ភ្លៀងធ្លាក់ខ្លាំងតាំងពីថ្ងៃទី៦ ខែតុលារហូតមកទល់ពេលនេះ បណ្តាលឲ្យលិចលង់ជាទ្រង់ទ្រាយធំនៅតាមបណ្តាខេត្ត-ក្រុង ភាគកណ្តាលនៃប្រទេសវៀតណាម ។ តំបន់ដែលលិចលង់ខ្លាំងជាងគេនោះគឺទីក្រុងវ៉េ។
ភ្លៀងធា្លក់ខ្លាំងជាប់គ្នាមិនដាច់ ធ្វើឲ្យកម្រិតទឹកនៅដងទន្លេហឿងឡើងខ្ពស់បំផុត ។ នៅក្នុទីក្រុងនេះមាន មនុស្ស៤នាក់ស្លាប់ ម្នាក់បាត់ខ្លួន និងផ្ទះដល់ទៅ៥៣.៤០០ ខ្នងត្រូវទឹកជន់លិចរហូតដល់៣២ម៉ែត្រ ក្នុងតំបន់មួយចំនួន។
នៅពេលនេះដែរសម្ពាធទាបបានវិវត្តទៅជាព្យុះ បង្កក្តីបារម្ភកាន់តែខ្លាំង។ សរុបមានអ្នកស្លាប់ដោយទឹកជំនន់នៅវៀតណាមដល់ទៅ២៣នាក់និងបាត់ខ្លួន១៤នាក់ ។ សារព័ត៌មាន VN Express បានចេញផ្សាយ នៅថ្ងៃទី១៣ តុលា ដោយដកស្រង់សេចក្តីប្រកាសពីអាជ្ញាធរឧតុនិយមវៀតណាមដែលបានព្រមានពីព្យុះទីហ្វុងណាងហ្គាកា ជាព្យុះថ្មីមួយទៀត ដែលនឹងបង្កឲ្យមានខ្យល់បោកបក់ខ្លាំង និងភ្លៀងធ្លាក់យ៉ាងគំហុក ចាប់តាំងពីថ្ងៃអង្គារនេះរហូតដល់ថ្ងៃពុធស្អែក។
ព្យុះសង្ឃរា ណាងហ្គាកា នឹងមានឥទ្ធិពលលើភាគកណ្តាល និងខាងជើងប្រទេសវៀតណាម ព្រមទាំងបណ្តាខេត្ត-ទីក្រុង ស្ថិតនៅភាគអាគ្នេយ៍ប្រទេសចិនផងដែរ។ ព្យុះនេះនឹងធ្វើដំណើរទៅដល់ភាគកណ្តាល និងខាងជើងវៀតណាម នៅរសៀលថ្ងៃពុធស្អែក ជាមួយនឹងល្បឿនរហូតដល់ទៅ ១០០គីឡូម៉ែត្រក្នុងមួយម៉ោង៕
