ភ្នំពេញ៖ ដោយមានការយកចិត្តទុកដាក់ ចំពោះសុខទុក្ខមន្រ្តីក្រោមឱវាទ នៅព្រឹកថ្ងៃទី២៤ ខែតុលា ឆ្នាំ២០២០នេះ លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ចេីញសួរសុខទុក្ខមន្ត្រីអន្តរាគមន៍ដែលបានរងគ្រោះថ្នាក់ចរាចរណ៍ នៅពេលធ្វេីដំណេីរទៅផ្ទះ ក្រោយពីបញ្ចប់ភារកិច្ចជួយសង្គ្រោះប្រជាពលរដ្ឋរងគ្រោះដោយទឹកជំនន់ កាលពីយប់ថ្ងៃទី១៨ ខែតុលា ឆ្នាំ២០២០កន្លងទៅ នៅក្នុងមូលដ្ឋានខណ្ឌដង្កោ ។
មន្ត្រីអន្តរាគមន៍ពិសេសរូបនេះមានឈ្មោះ ឡុង រត្ន័មុន្នី បច្ចុប្បន្នមន្ត្រីរងគ្រោះកំពុងសម្រាកព្យាបាលនៅគេហដ្ឋានរបស់ខ្លួន ស្ថិតនៅក្នុងភូមិវត្តស្លែង សង្កាត់ពងទឹក ខណ្ឌដង្កោ រាជធានីភ្នំពេញ។
ក្នុងឱកាសនេះដែរលោកស្នងការនគរបាលរាជធានីភ្នំពេញ ក៏បាននាំយកថវិកា និងសម្ភារមួយចំនួនដើម្បីជួយសម្រួលសម្រាប់ការសម្រាកព្យាបាលផងដែរ ៕ដោយ៖ស តារា
...
