យ៉ាងហោចណាស់ក៏មានមនុស្ស២នាក់ស្លាប់និង៥នាក់រងរបួសធ្ងន់ ពីការវាយប្រហារដោយកាំបិតបង្កឡើងដោយបុរសម្នាក់តែងខ្លួនជាខ្មោចក្នុងរាត្រី Halloween នាយប់ថ្ងៃទី៣១ខែតុលាក្នុងទីក្រុងកេបិច ប្រទេសកាណាដា។
តាមការលើកឡើងរបស់កម្លាំងប៉ូលិស កាណាដាជនដៃដល់ ជាយុវជនមានអាយុ២០ឆ្នាំស្លៀកឈុតបុរាណ កាន់អាវុធ វាយប្រហារពលរដ្ឋជាច្រើននាក់។ ការវាយប្រហារកើតឡើងនៅ ជិតទីតាំង រដ្ឋក្នុងទីក្រុងកេបិច ។ ប៉ូលិសក៏បានស្នើដល់ពលរដ្ឋរស់នៅតំបន់ កើតហេតុស្នាក់នៅក្នុងផ្ទះបញ្ចៀសហេតុការណ៍អាក្រក់កើតឡើង។
បង្ហោះលើបណ្តាញសង្គមTwitter នាព្រឹកថ្ងៃទី០១ខែវិច្ឆិកា ស្នងការប៉ូលិសទីក្រុងកេបិចបានឲ្យដឹងថាបានចាប់ខ្លួន ជនរងសង្ស័យមួយចំនួន ដើម្បីបំពេញតាមការស្រាវជ្រាវ។
មន្ត្រីក្នុងទីក្រុងកេបិចបានចាត់ទុកថាជាសកម្មភាពអាក្រក់បំផុត មិនអាចលើកលែងឲ្យឡើយ ។ ជាមួយគ្នានេះដែរមន្ត្រីក្នុងក្រុងបានស្នើ ពលរដ្ឋរូបណាដឹងពីហេតុការណ៍ខាងលើ ទូរស័ព្ទទៅកាន់ស្នាក់ការប៉ូលិសតាម លេខ៩១១ ដើម្បី ផ្តល់ព័ត៌មាន ដើម្បីបន្តស្រាវជ្រាវ ចាប់ខ្លួនជនដៃដល់៕ ដោយ៖ធីរីណា
