ភ្នំពេញ៖ ប្រមុខរាជរដ្ឋាភិបាល កម្ពុជាបានចេញអនុក្រឹត្យផ្ដល់ប្រាក់ រង្វាន់លើកទឹកចិត្ដសម្រាប់អត្ដពលិក កីឡាខ្សោយសតិបញ្ញាជាផ្លូវការហើយ នេះបើតាមការលើកឡើងរបស់លោក វង សូត រដ្ឋមន្ដ្រីក្រសួងសង្គមកិច្ចអតីត យុទ្ធជននិងយុវនីតិសម្បទានិងជាប្រធានគណៈកម្មាធិការជាតិស្ប៉េស្យាល់អូឡាំ ពិកកម្ពុជាប្រកាសឱ្យសមាជិកបានដឹង ក្នុងមហាសន្និបាតបូកសរុបការងារប្រចាំ ឆ្នាំ២០១៥នៅទីស្ដីការក្រសួងនាព្រឹក ថ្ងៃទី១៦ ខែកុម្ភៈ ឆ្នាំ២០១៦ ។
លោករដ្ឋមន្ដ្រីមានប្រសាសន៍ថា ជា ការពិតគណៈកម្មាធិការស្ប៉េស្យាល់ អូឡាំពិកកម្ពុជាគឺជាចលនាកីឡាមួយ ដែលបម្រើឱ្យកីឡាជនពិការដោយផ្ដោតសខាន់ទៅលើការហ្វឹកហាត់និងការប្រកួត ជារៀងរាល់ឆ្នាំក្នុងគោលបំណងឱ្យបង ប្អូនជនពិការបានចូលរួមសកម្មភាព កីឡាទាំងកាយសម្បទាបញ្ញាសម្បទា សីលធម៌និងបានលើកទឹកចិត្ដឱ្យចូលរួមចែករំលែកបទពិសោធន៍ជាមួយកីឡាករកីឡាការិនីដទៃក្នុងសហគមន៍ ក្នុងនោះ មានទាំងក្របខ័ណ្ឌជាតិនិងអន្ដរជាតិផង ដែរ ។
លោករដ្ឋមន្ដ្រីបានបន្ដទៀតថា ចាប់ តាំងពីឆ្នាំ២០១៣ដល់ឆ្នាំ២០១៥កន្លង ទៅកីឡាករកីឡាការិនីពិការសតិបញ្ញា ទទួលបានជ័យលាភីមេដាយមាស មេដាយ ប្រាក់ និងមេដាយសំរឹទ្ធិសរុបចំនួន២៥ គ្រឿង ព្រមទាំងបានទទួលប្រាក់រង្វាន់និង គ្រឿងឥស្សរិយយសលើកទឹកចិត្ដពីរាជ រដ្ឋាភិបាលផងដែរ ។ ក្នុងនោះរាជរដ្ឋាភិ បាលបានជំរុញឱ្យធ្វើសមាហរណកម្ម ជនពិការនៅក្នុងសង្គមដោយផ្ដល់ឱកាសឱ្យបងប្អូនជនពិការកាន់តែទទួលបាន តម្រូវការចាំបាច់នានាដូចមនុស្សទូទៅ ដែរ ។
លោករដ្ឋមន្ដ្រីបានបញ្ជាក់ថា ថ្មីៗ នេះប្រមុខរាជរដ្ឋភិបាលកម្ពុជាបាន ចេញអនុក្រឹត្យផ្ដលប្រាក់រង្វាន់លើកទឹក ចិត្ដដល់កីឡាករកីឡាការិនីខ្សោយសតិបញ្ញាព្រមទាំងគ្រូបង្វឹកគ្រូជំនួយជាផ្លូវ ការដោយបានដាក់ឱ្យប្រើប្រាស់ដើម្បី លើកទឹកចិត្ដអត្ដពលិកជនពិការគ្រប់ៗ រូបដែលដណ្ដើមបានមេដាយពីការប្រកួត កីឡាស្ប៉េស្យាល់នានានៅលើឆាកអន្ដរ ជាតិ ។
នៅក្នុងមហាសន្និបាត នោះដែរសមា ជិកប្រតិបត្ដិក៏បានស្នើឱ្យមហាសន្និបាតអនុម័តលើសំណើសុំថវិកាសម្រាប់រៀបចំការបក្រកួតកីឡាស្ប៉េស្យាល់អូឡាំពិកនៅរាជធានីភ្នំពេញ និងខេត្ដមួយចំនួន និងបានអនុម័តដាក់បញ្ចូលបេក្ខភាព សមាជិកថ្មីជំនួសសមាជិកចាស់ដែល បាត់បង់សមត្ថភាពការងារក្នុងនោះ ក៏បានអនុម័តលើរបាយការណ៍ការងារ ប្រចាំឆ្នាំ២០១៥និងអនុម័តលើទិសដៅសកម្មភាពការងារសម្រាប់ឆ្នាំ២០១៦ ផងដែរ ៕
ដោយ៖ សារីម
