ខេត្តឧត្ដរមានជ័យ៖ បុរសពីរនាក់ម្នាក់រងរបួសធ្ងន់និងម្នាក់ទៀតរងរបួសស្រាលក្នុងហេតុការណ៍គ្រោះថ្នាក់ចរាចរណ៍រវាងម៉ូតូនិឹងម៉ូតូ នៅវេលាម៉ោង១៨ ថ្ងៃទី១៧ ខែវិចិ្ឆកា ឆ្នាំ២០២០ ស្ថិតនៅភូមិកណ្ដាលឃុំលំទង ស្រុកអន្លង់វែងខេត្តឧត្ដរមានជ័យ។

សមត្ថកិច្ចបានឱ្យដឹងថា កាលពីវេលាម៉ោង ១៨និង១០នាទី មានករណីគ្រោះថ្នាក់ចរាចរណ៍មួយបានកើតឡើងនៅលើកំណាត់ផ្លូវជាតិលេខ៦៧B ចន្លោះបង្គោលគីឡូម៉ែត្រលេខ១១៥ និង១១៦ ស្ថិតក្នុងភូមិអូរគគីរលើ ឃុំលំទង បង្កឡើងដោយម៉ូតូម៉ាកវ៉េវពណ៌ក្រហមគ្មានស្លាកលេខ បើកបុកម៉ូតូហុងដាសេ១២៥ ពណ៌ខ្មៅ ស៊េរីឆ្នាំ២០០៥ គ្មានស្លាកលេខពីក្រោយក្នុងទិសដៅស្របទិសគ្នាពីជើងទៅត្បូងបណ្តាលឱ្យរងរបួសធ្ងន់ ២នាក់ របួសស្រាល១ នាក់។
អ្នកបើកបរម៉ូតូម៉ាកវ៉េវបើកបរដោយឈ្មោះ សាន ហ៊ាន ភេទប្រុស អាយុ ២២ឆ្នាំ រស់នៅភូមិអូរគគីរកណ្តាល ឃុំលំទង ស្រុកអន្លង់វែង ខេត្តឧត្តរមានជ័យ( រងរបួសធ្ងន់ត្រង់មុខនិងដើមទ្រូង ) និងអ្នករួមដំណើរ២នាក់ ម្នាក់
ឈ្មោះ ចាន់ ពន្លឺ ភេទប្រុស អាយុ១៩ឆ្នាំ រស់នៅភូមិ-ឃុំ ជាមួយគ្នា រងរបួសស្រាល
និងម្នាក់ទៀតឈ្មោះ ចាន់ ជាតិ ភេទប្រុស អាយុ ២៣ឆ្នាំ រស់នៅភូមិ-ឃុំ ជាមួយគ្នា (មិនរងរបួសទេ )។
ចំណែកអ្នកបើកបរម៉ូតូម៉ាកហុងដាសេ១២៥ ស៊េរីឆ្នាំ២០០៥ គ្មានស្លាកលេខបើកបរដោយឈ្មោះ ជ័យ ប្លោក ភេទប្រុស អាយុ៤៩ឆ្នាំ រស់នៅភូមិអូរគគីរលើ ឃុំលំទង ស្រុកអន្លង់វែង ខេត្តឧត្តរមានជ័យ។ ម៉ូតូគ្មានភ្លឺងបំភ្លឺក្រោយ បើកបរក្នុងទិសដៅពីជើងទៅត្បូងរងរបួសធ្ងន់ត្រង់មុខនិងក្បាល មិនពាក់មួកសុវត្ថិភាព ។
មូលហេតុនៃគ្រោះថ្នាក់ចរាចរណ៍ខាងលើ បណ្តាលមកពីអ្នកបើកបរម៉ូតូឈ្មោះ សាន ហ៊ាន ប្រើប្រាស់ល្បឿនលឿន ។
ចំពោះវត្ថុតាងម៉ូតូទាំង២គ្រឿងខាងលើ សមត្ថកិច្ចជំនាញបានយកមករក្សាទុកនៅអធិការដ្ឋាននគរបាលស្រុកអន្លង់វែង ដើម្បីចាត់ការបន្តតាមនីតិវិធីច្បាប់៕

ដោយ៖ ប៉ែន នួន