បើទោះបីជំងឺកូវីដ-១៩រាតត្បាតឆ្លងរាលដាលធ្វើឲ្យព្រឹត្តិការណ៍ធំៗមួយចំនួនត្រូវបានលុបចោល និងពន្យារពេលក៏ដោយក៏ពិធីប្រគល់ពានរង្វាន់អូស្ការឆ្នាំ២០២១នឹងក្លាយជាព្រឹត្តិការណ៍ប្រារព្ធពិធីដោយផ្ទាល់នៅឆ្នាំក្រោយនេះ។ នេះបើយោងតាមការចុះផ្សាយរបស់ Sky Sport កាលពីថ្ងៃទី៨ ធ្នូ ឆ្នាំ២០២០។

អ្នករៀបចំកម្មវិធីប្រគល់ពានរង្វាន់អូស្ការកំពុងធ្វើការដើម្បីបញ្ជាក់ថា ការប្រារព្ធពិធីនៅរាត្រីដ៏សំខាន់បំផុតនៅហូលីវូដនោះត្រូវបានប្រារព្ធឡើងដូចពេលធម្មតា។

យោងតាមប្រភពព័ត៌មាន Variety បានឲ្យដឹងថា ដំណោះស្រាយជាច្រើនត្រូវបានគេរាប់បញ្ចូលទាំងការកាត់បន្ថយសមសភាពចូលរួម ប៉ុន្តែពានរង្វាន់អូស្ការនឹងត្រូវធ្វើឡើងដោយផ្ទាល់ ។

កន្លែងធម្មតាសម្រាប់ពានរង្វាន់អូស្ការគឺរោងមហោស្រព Dolby នៅហូលីវូដដែលអាចផ្ទុកមនុស្សបាន ៣៤០០នាក់ ទោះបីជាពិធីនេះត្រូវបានពន្យារពេលរហូតដល់ថ្ងៃទី២៥ ខែមេសា ឆ្នាំ២០២១ ហើយសង្ឃឹមថារោងកុនជាច្រើននឹងបើកដើម្បីឱ្យខ្សែភាពយន្តប្រកួតប្រជែងដណ្តើមពានរង្វាន់មួយនេះ។ វាក៏មានករណីលើកលែងមួយចំនួនសម្រាប់ខ្សែភាពយន្តដែលមិនត្រូវបានចាក់បង្ហាញនៅក្នុងរោងកុនប៉ុន្តែត្រូវបានបម្រុងទុកសម្រាប់ខ្សែភាពយន្តខ្នាតធំ ៕ដោយ៖ភារៈ