តាមសារព័ត៌មាន TTXVN បានផ្សាយថា នៅថ្ងៃទី១៧ខែធ្នូ រដ្ឋមន្ត្រីក្រសួងសុខាភិបាលនិងសុខភាពសាធារណៈអាមេរិក លោក Alex Azar បានប្រកាសថា វ៉ាក់សាំងប្រឆាំងកូវីដ-១៩របស់ក្រុមហ៊ុន Moderna បានត្រៀមចែកចាយចាក់ជូនពលរដ្ឋ ក្រោយទទួលបានការអនុញ្ញាតពីនាយកដ្ឋានចំណីអាហារនិងឱសថអាមេរិក។
នៅក្នុងបទសម្ភាសន៍ជាមួយបណ្តាញទូរទស្សន៍ CNBC លោកAlex Azar បានបញ្ជាក់ថា មន្ត្រិសុខាភិបាលតាមបណ្តារដ្ឋបានចែកចាយវ៉ាក់សាំង៥,៩ លានដូសរបស់ក្រុមហ៊ុន ម៉ូឌែណា ដើម្បីត្រៀមចាក់ជូនពលរដ្ឋ ។
បច្ចុប្បន្ន នាយកកដ្ឋានចំណីអាហារនិងឱសថអាមេរិក FDA កំពុងតែវាយតម្លៃពីកម្រិតសុវត្ថិភាពនៃវ៉ាក់សាំងរបស់ក្រុមហ៊ុន ម៉ូឌែណា មុនពេលអនុញ្ញាតឲ្យប្រើប្រាស់។
កាលពីសប្តាហ៍កន្លងមក អាមេរិកបានអនុញ្ញាតឲ្យប្រើប្រាស់វ៉ាក់សាំងរបស់ក្រុមហ៊ុនPfizer BioNTech ហើយពេលនេះបានចាប់ផ្តើមចាក់ជូនពលរដ្ឋអាមេរិកហើយ។ បច្ចុប្បន្នអាមេរិក មានចំនួនអ្នកឆ្លងកូវីដ-១៩ កើនឡើងដល់ទៅជាង១៧,៦លាននាក់ និងស្លាប់ជាង៣១៧ពាន់នាក់៕
រូបភាព៖ AFP/TTXVN
