រដ្ឋមន្ត្រីការបរទេសហ្វីលីពីន លោកTeodoro Locsin បានបញ្ជាក់ថា តាមប្រភពព័ត៌មានពីស្ថានទូតហ្វីលីពីនប្រចាំនៅអាមេរិក គឺក្រុមហ៊ុន Moderna បានផលិតនិងបង្កើនល្បឿនបញ្ជូនវ៉ាក់សាំង មកកាន់ប្រទេសហ្វីលីពីនក្នុងពេលឆាប់ៗ។
តាមសារព័ត៌មានCNN រដ្ឋមន្ត្រីការបរទេសហ្វីលីពីនបានប្រកាសកាលពីថ្ងៃទី២៧ខែធ្នូថា ក្រុមហ៊ុនModerna នឹងបញ្ជូនវ៉ាក់សាំងមកកាន់ហ្វីលីពីនក្នុងពេលឆាប់ៗ។ សកម្មភាពខាងលើកើតឡើង ក្រោយពេលប្រធានាធិបតី Rodrigo Duterte បានព្រមានថានឹងកាត់ផ្តាច់ទំនាក់ទំនងយោធាជាមួយ អាមេរិក ប្រសិនបើទីក្រុងវ៉ាស៊ីនតោន បញ្ជូនវ៉ាក់សាំង ២០លានដូស មកហ្វីលីលីពីនឲ្យបានឆាប់បំផុត។
អគ្គរដ្ឋទូតហ្វីលីពីនប្រចាំនៅអាមេរិក លោកJose Manuel Romualdez បានបញ្ជាក់ថា ក្រុមហ៊ុនModerna បានបញ្ជូនវ៉ាក់សាំងទៅកាន់អាតិថិជនរបស់ខ្លួន។ មន្ត្រីការទូតហ្វីលីពីនបានបញ្ជាក់ទៀតថាក្រុមហ៊ុនចំនួនពីររបស់អាមេរិក បានសន្យាផ្គត់ផ្គង់ វ៉ាក់សាំងពី៤-២៥លានដូសដល់ ហ្វីលីពីន នៅដើម ឆ្នាំ២០២១។
កន្លងមក កាលពីថ្ងៃទី២៦ខែធ្នូប្រធានាធិបតី Duterteបានព្រមានថា បើមិនមានវ៉ាក់សាំងទេទាហានអាមេរិក ត្រូវតែចាកចេញពីទឹកដីហ្វីលីពីន។ បច្ចុប្បន្ន ប្រទេស ឥណ្ឌូនេស៊ី និងសិង្ហបុរីទទួលបានវ៉ាក់សាំងពីអាមេរិក ទាំងនោះហើយបានធ្វើឲ្យពលរដ្ឋហ្វីលីពីនដាក់គំនាបកាន់តែខ្លាំងលើរដ្ឋាភិបាល។
អាចនិងយាយបានថា ហ្វីលីពីន គឺជាប្រទេសមុឺងម៉ាត់បំផុតក្នុងការទប់ស្កាត់កូវីដ-១៩ ។ នៅពេលដែលការឆ្លងរាលដាលខ្លាំងបំផុត ហើយរដ្ឋាភិបាលបានដាក់ប្រទេសក្នុងគ្រាអាសន្ន ស្នើរពលរដ្ឋឲ្យនៅក្នុងផ្ទះ ពេលនោះមន្ត្រីនៅក្នុងតំបន់មួយចំនួន ក្នុងប្រទេសនេះ បានយកមឈូសដាក់នៅតាមផ្លូវសំខាន់ៗដោយមានទាំងអក្សរព្រមាន ថា «បើចង់រក្សាជីវិតត្រូវនៅក្នុងផ្ទះ» «បើចេញក្រៅផ្ទះគឺមានមឈូសរង់ចាំ»៕ដោយ៖ធី រីណា
