ភ្នំពេញ៖ នៅថ្ងៃទី២៩ ខែធ្នូ ឆ្នាំ២០២០ វេលាម៉ោង០៦និង៣០នាទីព្រឹក ប៉ុស្តិ៍នគរបាលរដ្ឋបាលទន្លេបាសាក់បានឃាត់ខ្លួនជនសង្ស័យ០១នាក់ករណីលួច(យកម៉ូតូ)នៅចំនុចផ្ទះសំណាក់យីហោ៦៩ ផ្លូវបេតុង ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានី ភ្នំពេញ ។

-ជនសង្ស័យឈ្មោះ ចិន ចំរេីន ហៅពៅ ភេទប្រុសអាយុ២៩ឆ្នាំ ជាតិខ្មែរស្នាក់នៅផ្ទះគ្មានលេខផ្លូវ៣៦៩ភូមិដេីមចន្ទ សង្កាត់ច្បារអំពៅ២ ខណ្ឌច្បារអំពៅមុខរបរគ្មាន។

-ជនរងគ្រោះឈ្មោះចៀវ គឹមហុង  ភេទប្រុស អាយុ៣២ឆ្នាំជាតិខ្មែរស្នាក់នៅផ្ទះ៦៩ ផ្លូវបេតុង ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន មុខរបរបេីករថយន្ត។
-សម្ភារបាត់បង់:
ម៉ូតូ០១គ្រឿងម៉ាកហុងដាឃ្លីច ពណ៌ឈាមជ្រូកស៊េរីឆ្នាំ២០១១ ស្លាកលេខបាត់ដំបង1M.2998លេខតួ ម៉ាសុីន0058301។
-វត្ថុតាងចាប់យកមាន:-កន្រ្តៃកាត់ដែក០១ដេីមពណ៌ខៀវ ដងជ័រពណ៌ខ្មៅ
-ដែកកែច្នៃដងឈឺចុងស្រួច០១ដេីម(សម្រាប់កាច់កម៉ូតូ)។

បើតាមប្រភពពត៌មានពីសមត្ថកិច្ចបានប្រាប់ឱ្យដឹងថា មុនពេលកេីតហេតុជនរងគ្រោះឈ្មោះ ជៀវ គឹមហុង បានជិះម៉ូតូខាងលេីមកដេកនៅក្នុងផ្ទះសំណាក់ដោយបានចតក្បែរម៉ូតូរបស់គេ និងបានចាក់សោរកម៉ូតូត្រឹមត្រូវ និងមានចាក់សោរច្រវាក់នៅកង់ម៉ូតូ ហេីយក៏ដេកលក់លុះក្រោយមកស្រាប់តែក្រុមជនសង្ស័យបានចូលមកធ្វេីសកម្មភាពកាច់សោរកម៉ូតូ និងកាត់សោរច្រវាក់កង់ម៉ូតូរួចបណ្តេីរម៉ូតូរបស់ជនរងគ្រោះជិះចេញទៅបាត់ លុះបានបន្តិចក្រោយមកជនសង្ស័យឈ្មោះ ចិន ចំរេីន ក៏បានមកធ្វេីសកម្មភាពលួចម៉ូតូម្តងទៀតតែត្រូវបានសន្តិសុខឃេីញទាន់ស្រែកឆោរឡោរលឺដល់សមត្ថកិច្ចយេីងដែលកំពុងល្បាតក្បែរនោះឃេីញក៏ឃាត់ជនសង្ស័យឈ្មោះ ចិន ចំរេីន បានរួមទាំងវត្ថុតាងធ្វេីសកម្មភាពយកមកកាន់ប៉ុស្តិ៍នគរបាលរដ្ឋបាលទន្លេបាសាក់ដេីម្បីសាកសួរ និងចាត់ការតាមនីតិវិធីច្បាប់តែម្តង ។

បច្ចុប្បន្ន ជនសង្ស័យ រួមទាំងវត្ថុតាងត្រូវបា នបញ្ជូនទៅកាន់អធិការដ្ឋាននគរបាលខណ្ឌចំការមនដេីម្បីចាត់ការបន្ត៕

ដោយ៖ ជីណា