ភ្នំពេញ ៖ បុរសម្នាក់ជាជនជាតិចិន បានបេីករថយន្តLEXUS LX470 ឆ្លងផ្លូវ ត្រូវបុរសម្នាក់ជាជនជាតិខ្មែរបេីករថយន្តToyota Prius បុកពីចំហៀងពេញទំហឹង បណ្ដាលឲ្យរងការខូចខាតយ៉ាងដំណំ សំណាងដែរគ្មានអ្នករបួស ។
ហេតុការណ៍គ្រោះថ្នាក់ចរាចរណ៍ខាងលេីនេះបានកេីតឡេីងកាលពីវេលាម៉ោង១១ និង៣០នាទីយប់ ថ្ងៃទី១២ ខែមករា ឆ្នាំ២០២១ នៅតាមបណ្ដោយផ្លូវ៣៦០ កែងផ្លូវ៥៧ ក្នុងសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា ដំបូងរថយន្តម៉ាក Toyota Prius ពណ៌ប្រផេះ ពាក់ស្លាកលេខភ្នំពេញ 2BI-9507 បេីកបរដោយបុរសម្នាក់ជាជនជាតិខ្មែរ ធ្វេីដំណេីរតាមបណ្ដោយផ្លូវ៣៦០ ទិសដៅពីកេីតមកលិចក្នុងល្បឿនលឿន ខណៈមកដល់ចំណុចកេីតហេតុក៏មានបុរសម្នាក់ជាជនជាតិចិនបានបេីករថយន្ត LEXUS LX470 ពណ៌សំបកឪឡឹក ពាក់ស្លាកលេខ កណ្ដាល 2A-0384 ធ្វេីដំណេីរតាមបណ្ដោយផ្លូវ៥៧ ទិសដៅពីជេីងទៅត្បូងក្នុងល្បឿនលឿនហេីយឆ្លងផ្លូវកាត់ពីមុខរថយន្តព្រូស ធ្វេីឲ្យអ្នកបេីករថយន្តព្រូសចាប់ហ្រ្វ័ងមិនទាន់ក៏បុកពីចំហៀងទ្វារខាងឆ្វេងរថយន្តLEXUS470ពេញទំហឹង បណ្ដាលឲ្យខូចខាតតិចតួច ចំណែករថយន្ត Toyota Prius បានរងការខូចខាតផ្នែកខាងមុខយ៉ាងដំណំ តែក្នុងករណីនេះមិនបណ្ដាលឲ្យនរណាម្នាក់រងរបួសនោះទេ ។
ក្រោយកើតហេតុ សមត្ថកិច្ចមូលដ្ឋានបានចុះមកដល់ ហេីយភាគីទាំងសងខាងសម្របសម្រួលគ្នាដែរ តែភាគីទាំង២និយាយយកតែត្រូវរៀងៗខ្លួន ទេីបសមត្ថកិច្ចមូលដ្ឋានទាក់ទងទៅជំនាញចរាចរណ៍ជេីងគោកនៃស្នងការដ្ឋាននគរបាលរាជធានីភ្នំពេញ ដេីម្បីធ្វេីការវាស់វែងយករថយន្តទាំង២ទៅរក្សាទុក រង់ចាំដោះស្រាយតាមច្បាប់ ៕
ដោយ ៖ ភារ៉ា ដង្កោ
