ភ្នំពេញ៖ នៅព្រឹកថ្ងៃសុក្រ ទី២៩ ខែមករា ឆ្នាំ២០២១ លោកឧត្តមសេនីយ៍ត្រី ម៉ៅ រង្សី ស្នងការរងទទួលដឹកនាំខណ្ឌឫស្សីកែវ តំណាងដ៏ខ្ពង់ខ្ពស់របស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បាននាំយកឯកសណ្ឋានចំនួន៣០ឈុតប្រគល់ជូនកម្លាំងអន្តរាគមន៍ពិសេសនៃអធិការដ្ឋាននគរបាលខណ្ឌឫស្សីកែវ។
ពិធីចែកសម្លៀកបំពាក់ជូនដល់កម្លាំងអន្តរាគមន៍នេះ ស្ថិតនៅក្រោមអធិបតីភាពលោកឧត្តមសេនីយ៍ត្រី ម៉ៅ រង្សី ស្នងការរងចុះដឹកនាំត្រួតពិនិត្យការងារនៅអធិការដ្ឋាននគរបាលខណ្ឌឫស្សីកែវ។
អញ្ជើញចូលរួមក្នុងពិធីនេះដែរមានលោកវរសេនីយ៍ឯក ហ៊ាង ថារ៉េត អធិការនគរបាលខណ្ឌ អធិការរង នាយផ្នែកនិងមន្ត្រីពាក់ព័ន្ធជាច្រើននាក់ទៀត។
លោកស្នងការរងបានផ្តាំផ្ញើដល់កម្លាំងអន្តរាគមន៍ទាំងអស់ត្រូវខិតខំប្រឹងប្រែងចេញល្បាតក្នុងមូលដ្ឋានខណ្ឌទប់ស្កាត់បទល្មើសផ្សេងៗកុំឱ្យកើតមានដើម្បីរក្សាសេចក្តីសុខក្សេមក្សាន្ត សុវត្ថិភាពជូនដល់បងប្រជាពលរដ្ឋ៕
