ភ្នំពេញ៖ កម្លាំងកងរាជអាវុធហត្ថនៃការិយាល័យប្រឆាំងគ្រឿងញៀនរាជធានីភ្នំពេញដឹកនាំដោយលោក ប៉ាន់ សុភាព នាយការិយាល័យគ្រឿងញៀន សហការជាមួយ អាវុធហត្ថខណ្ឌសែនសុខបានចុះបង្ក្រាបបទល្មើសគ្រឿងញៀន និងឆែកឆេរផ្ទះមួយកន្លែងគ្មានលេខ រកឃើញថ្នាំញៀន២កញ្ចប់តូច និងឃាត់ខ្លួនបានមនុស្ស៧នាក់។

ហេតុការណ៍ចុះឆែកឆេរនិងឃាត់ខ្លួនខាងលើនេះធ្វើឡើងកាលពីវេលាម៉ោង១១ និង១៥នាទីយប់ថ្ងៃទី២៤ ខែកុម្ភៈ ឆ្នាំ ២០១៦ នៅផ្ទះមួយកន្លែងគ្មានលេខ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ។

បច្ចុប្បន្នមនុស្សទាំង៧នាក់និងវត្ថុតាងត្រូវបានបញ្ជូនទៅកាន់ការិយាល័យប្រឆាំងគ្រឿងញៀនកងរាជអាវុធហត្ថរាជធានីភ្នំពេញ៕

ដោយ៖ តុងសីហា