អ្នកចាត់ការក្រុម Manchester City លោក Pep Guardiola កាលពីថ្ងៃទី៦ខែកុម្ភៈបានបតវិញចំពោះការអះអាងរបស់សមភាគីក្រុម Liverpool លោក Juergen Klopp ដែលថា Man City បានទទួលផលប្រយោជន៍ពី ការសម្រាករយៈពេល២សប្តាហ៍ដើម្បីឡើងទៅឈរនៅលើកំពូលតារាងនៃក្របខ័ណ្ឌ Premier League ។

ការប្រកួតនៅ Premier League របស់ Man City ទៅទឹកដី Everton ដំបូងត្រូវបានគេគ្រោងធ្វើនៅថ្ងៃទី ២៨ ខែធ្នូ ប៉ុន្តែត្រូវបានពន្យារពេលបន្ទាប់ពីមានករណីវិជ្ជមានកូវីដ-១៩ជាច្រើនដែលត្រូវបានរកឃើញនៅក្នុងក្រុម។

ជាលទ្ធផលក្រុមរបស់លោក Guardiola មិនបានលេងអស់រយៈពេលមួយសប្តាហ៍រវាងការទទួលជ័យជម្នះ ២-០ លើក្រុម Newcastle United និងជ័យជម្នះ ៣-១ លើក្រុមតោខៀវកាលពីថ្ងៃទី៣ ខែមករាដែលពួកគេបានលេងដោយគ្មានកីឡាករដំបូង៨នាក់។

លោក Klopp បានប្រាប់ក្រុមអ្នកយកព័ត៌មានថា “យើងមិនមានពេលសម្រាកទេ Man City មានរយៈពេល២សប្តាហ៍សម្រាប់ហេតុផលនៃការការពារសិទ្ធិ។ វាជាឆ្នាំដ៏លំបាកមួយ ដែលក្រុមខ្លះមើលទៅហាក់ដូចជាមិនសូវល្អ ប៉ុន្តែសម្រាប់យើងវាពិតជាលំបាកណាស់។

នៅពេលត្រូវបានគេសួរអំពីការអត្ថាធិប្បាយរបស់លោក Klopp លោក Guardiola បាននិយាយយ៉ាងចំ ៗថា “គាត់បានធ្វើខុស ដែលថាក្រុមយើងបានសម្រាកពីរខែ ឬបីខែ! យើងមានកីឡាករតិចណាស់ដែលចូលលេង។ខ្ញុំប្តេជ្ញាថានឹងនិយាយជាមួយគ្រូបង្វឹក Liverpool អំពីបញ្ហានេះនៅពេលដែលក្រុមរបស់ពួកគេជួបគ្នានៅឯ Anfield នៅចុងសប្តាហ៍នេះ” ៕ដោយ៖ភារៈ