ភ្នំពេញ៖ បុរសម្នាក់បានរងរបួសបាក់ភ្លៅនិងកដៃត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗខណៈជិះម៉ូតូលឿនមិនប្រយ័ត្នចាប់ហ្វ្រ័ងមិនទាន់ក៏ជ្រុលទៅបុកម៉ូតូសណ្តោងរ៉ឺម៉កដឹកហ្គាសពីចំហៀងពេញទំហឹង កាលពីវេលាម៉ោង១០និង២០នាទីព្រឹក ថ្ងៃទី១៦ ខែកុម្ភៈ ឆ្នាំ២០២១ នៅចំណុចមុខផ្សារកាណាឌីយ៉ា តាមបណ្តោយវិថីចោមចៅ ស្ថិតក្នុងសង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញម៉ូតូសណ្តោងរ៉ឺម៉កដឹកហ្គាសមួយគ្រឿងបេីកចេញពីផ្លូវបេតុងក្នុងទិសដៅពីត្បូងទៅជេីង ខណៈមកដល់វិថីចោមចៅក៏ឆ្លងផ្លូវបំណងបត់ឆ្វេងទៅលិច លុះឆ្លងមកដល់ពាក់កណ្តាលផ្លូវស្រាប់តែមានបុរសម្នាក់ជិះម៉ូតូហុងដាឌ្រីម ពណ៌ខ្មៅ ពាក់ស្លាកលេខត្បូងឃ្មុំ 1I-0648 បើកតាមបណ្តោយវិថីចោមចៅ ក្នុងទិសដៅពីលិចទៅកេីតក្នុងល្បឿនលឿនចាប់ហ្វ្រ័ងមិនទាន់ក៏ជ្រុលទៅបុករ៉ឺម៉កពីចំហៀងពេញទំហឹងបណ្តាលឲ្យអ្នកជិះម៉ូតូរងរបួសបាក់ភ្លៅនិងកដៃខាងស្តាំ ចំណែកម្ចាស់រ៉ឺម៉កមិនមានរងរបួសនោះទេ រីឯម៉ូតូរងការខូចខាផ្នែកខាងមុខយ៉ាងដំណំ។
ក្រោយកេីតហេតុជនរងគ្រោះត្រូវបានរថយន្តសង្គ្រោះឯកជនដឹកយកទៅសង្គ្រោះភ្លាមៗ ចំណែកម៉ូតូនិងរ៉ឺម៉កត្រូវបានសមត្ថកិច្ចចុះធ្វេីការវាស់វែងរួចយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរង់ចាំដោះស្រាយតាមច្បាប់៕
ដោយ៖សុខាសែនជ័យ
