គិតមកដល់វេលាម៉ោង៨ព្រឹកថ្ងៃទី ១៧ខែកុម្ភៈ នៅទូទាំងពិភពលោក មានករណីឆ្លងកូវីដ-១៩ កើនឡើងដល់ទៅ១១០.០០៥.៩៥៤នាក់ និងស្លាប់២.៤២៧.៧៦១នាក់ ។
នៅក្នុងតំបន់អឺរ៉ុប ៖ ក្នុងប្រទេសរុស្ស៊ី មានករណីឆ្លងធ្លាក់ចុះទាបជាងមុន ដោយមានតែ១៣.២៣៣នាក់ប៉ុណ្ណោះ គឺជាចំនួនទាបបំផុតចាប់តាំងពីថ្ងៃទី១០ ខែតុលា ឆ្នាំ២០២០មក។ ជាមួយគ្នានេះដែរ អង់គ្លេស ក៏បានពន្យារពេលហាមប្រាមការហោះហើរពីអង់គ្លេសមករុស្ស៊ីរហូតដល់ថ្ងៃទី១៦ខែមីនា ។
កាលពីថ្ងៃទី១៦ខែកុម្ភៈ រដ្ឋមន្ត្រីក្រសួងសុខាភិបាលអាល្លឺម៉ង់លោកJens Spahn បានប្រកាសពីគម្រោងផ្តល់ឧបករណ៍ធ្វើតេស្តរហ័ស ដោយអត់គិតថ្លៃដល់ពលរដ្ឋ ដើម្បីអាចធ្វើតេស្តរកកូវីដ-១៩ បានឆាប់បំផុត។
ក្នុងថ្ងៃជាមួយគ្នានោះដែរ អង់គ្លេសក៏បានប្រកាសថានឹងផ្តល់លិខិតបញ្ជាក់ពីការចាក់វ៉ាក់សាំង ដល់ពលរដ្ឋទាំងអស់ដែលបានចាក់វ៉ាក់សាំងរួច អាចធ្វើដំណើរដោយមានសេរីភាព ទៅកាន់បណ្តាប្រទេសក្នុងតំបន់។
នៅក្នុងទ្វីបអាស៊ី៖ ក្នុងរយៈពេល២៤ម៉ោងកន្លងមក បណ្តាប្រទេសក្នុងតំបន់អាស៊ាន មាន៣ប្រទេសមានករណីស្លាប់ដោយកូវីដ-១៩ កើតឡើងខ្ពស់ ក្នុងរយៈពេល ២៤ម៉ោងកន្លងមក ដោយមានអ្នកស្លាប់២២៩នាក់ ក្នុងនោះឥណ្ឌូនេស៊ីមានច្រើនជាងគេ
លំដាប់ទីពីរគឺប្រទេសម៉ាឡេស៊ី ហើយទី៣គឺប្រទេសថៃ ដែលមានករណីឆ្លងច្រើនជាងគេ ក្នុងរយៈពេលចុងក្រោយនេះ។
តំបន់ដែលមានករណីឆ្លងច្រើនជាងគេនាពេលនេះគឺ ៖
-អាមេរិកខាងជើង មានករណីឆ្លង សរុបជាង៣២,៥លាននាក់ និងស្លាប់ ៧២១ពាន់នាក់។
-តំបន់អឺរ៉ុប មានអ្នកឆ្លងជាង៣២,៤លាននាក់ និងស្លាប់ ៧៧៤ពាន់នាក់។
-តំបន់អាស៊ីមានអ្នកឆ្លង ជាង២៤,១លាននាក់ និងស្លាប់៣៨៧ពាន់នាក់ ។
-តំបន់ អាមេរិកខាងត្បូង មានអ្នកឆ្លង ជាង១៧លាននាក់ និងស្លាប់ជាង៤៤៤ពាន់នាក់។
-តំបន់អាហ្វ្រិកមានអ្នកឆ្លង ៣,៧លាននាក់ និងស្លាប់ជាង ៩៩ពាន់នាក់។
-តំបន់ អូសេអានីមានអ្នកឆ្លង៥ម៉ឺននាក់ និងស្លាប់ ជាង១ពាន់នាក់៕ ដោយ៖ សាធី
រូបថត៖ hanoimoi
