យើងសូមនាំយករឿងខ្លីបែបអប់រំមួយទៀតដែលមានចំណងជើងថា បុរស និង ផ្លែឪឡឹក ។
រឿងនេះបានតំណាលថា
មានកាលមួយនោះមានបុរសម្នាក់ដើរវង្វេងក្នុងព្រៃធំ គាត់រកផ្លូវមកផ្ទះមិនឃើញ។ គាត់ដើរឆ្លងពីព្រៃមួយទៅព្រៃមួយទៀតអស់ជាច្រើនថ្ងៃ ធ្វើឲ្យគាត់ហេវហត់ ឃ្លានបាយ និង ស្រេកទឹកយ៉ាងខ្លាំង។
ទីបំផុតគាត់ប្រទះនឹងចម្ការឪឡឹកមួយយ៉ាងធំ គាត់សែនសប្បាយចិចិត្ដោយគិតថាអាចគេចផុតពីសេចក្តីស្លាប់។
ភ្លាមនោះគាត់ រត់យ៉ាងលឿនចូលទៅក្នុងចម្ការ ហើយគាត់លើកផ្លែឪឡឹកមួយបម្រុងនឹងហូបស្រាប់តែគាត់ឃើញផ្លែឪឡឹកមួយ ផ្សេងទៀតធំជាង គាត់ទម្លាក់អាតូច ដែលនៅដៃគាត់ចោល រួចគាត់រត់ទៅលើកអាមួយធំជាងនេះ គាត់បម្រុងនឹងហូបទៀត ស្រាប់តែគាត់ឃើញអាមួយនោះនៅខាងមុខគាត់ ធំជាងនេះទៅទៀត គាត់ក៏រត់ទៅលើកអាមួយធំជាងបន្តទៀត។
ចិត្តត្តលោភលន់នេះធ្វើឲ្យគាត់ធ្វើជាច្រើនលើកច្រើនសា រហូតដល់ទីបំផុតគាត់ក៏ដាច់ពោះស្លាប់ទៅហោង៕
(ការលោភលន់ហួសប្រមាណ ធ្វើឲ្យប្រាណអន្តរាយជីវិត)
ស្រាវជ្រាវនិងកែសម្រួលដោយ÷
ចៅតាជេត
