ខេត្តស្វាយរៀង៖ បុរសម្នាក់បានស្លាប់បន្ទាប់ពីបញ្ជូនទៅសង្គ្រោះនៅមន្ទីរពេទ្យបង្អែកស្រុករមាសហែកខណះចង់ចាប់ត្រីទុកធ្វើម្ហូបពេលល្ងាចហើយបានតខ្សែភ្លើង
ចេញពីផ្ទះរបស់ខ្លួនអូសទៅទឹកបៀរខាងក្រោយផ្ទះចៃដន្យអាក្រក់បណ្ដាលឲ្យឆក់បង្កការភ្ញាក់ផ្អើលតែម្ដង។
ហេតុការណ៏នេះបានកើតឡើងកាលពីវេលាម៉ោង២និង៣០នាទីរសៀល
ថ្ងៃទី១៨ខែមីនាឆ្នាំ២០២១ស្ថិតភូមិសំរោង ឃុំមុខដា ស្រុករមាសហែកខេត្តស្វាយរៀង។
សមត្ថកិច្ចនគរបាលស្រុកបានឲ្យដឹងថាបុរសដែលស្លាប់មានឈ្មោះ ប៉ោ ទីអាយុ៤០ឆ្នាំមុខរបរកសិករនៅភូមិសំរោងឃុំមុខដាស្រុករមាសហែកខេត្តស្វាយរៀង។
តាមអ្នកភូមិបានឲ្យដឹងថាមុនពេលកើតហេតុគេឃើញបុរសខាងលើបានតខ្សែភ្លើងអូសសំដៅទៅទឹកបៀរខាងក្រោយផ្ទះប្រមាណ៣ម៉ែត្រគោលបំណងឆក់ត្រីទុកធ្វើម្ហូបពេលល្ងាចចៃដន្យអាក្រក់មានការធ្វេសប្រហេសបណ្ដាលអោយឆក់ដេកដួលលើដីសន្លប់បង្កការភ្ញាក់ផ្អើលដល់ក្រុមគ្រួសារនិងអ្នកភូមិប្រញាប់ប្រញាល់ជួយសង្គ្រោះនិងដឹកមកកាន់មន្ទីរពេទ្យបង្អែកស្រុករមាសហែកចៃដន្យអាក្រក់បានផុតដង្ហើមស្លាប់បាត់ហើយ។
ក្រោយពីធ្វើកំណត់ហេតុនិងពិនិត្យរួចមកសមត្ថកិច្ចបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីទាំងក្ដុកក្ដួលបំផុត៕
ដោយ៖ យឹម សុថាន
