ប្រធានគណៈកម្មការអឺរ៉ុប EU លោកស្រី Ursula von der Leyen បានព្រមានថា នឹងហាមប្រាមក្រុមហ៊ុន AstraZeneca លក់វ៉ាក់សាំងរបស់ខ្លួនទៅក្រៅតំបន់ ប្រសិនបើប្រទេស ក្នុងតំបន់អឺរ៉ុប មិនទាន់មានវ៉ាក់សាំងគ្រប់គ្រាន់នោះ។ នេះជាសកម្មភាពថ្មីបំផុតរបស់អឺរ៉ុប ក្រោយពេលក្រុមហ៊ុននេះបានផ្គត់ផ្គង់វ៉ាក់សាំងយឺតយ៉ាវ។

ឆ្លើយតបទៅនឹងបទសម្ភាសន៍ ពីបណ្តាញព័ត៌មាន Funke របស់អាល្លឺម៉ង់នៅថ្ងៃទី ២០ខែមីនា លោកស្រី Ursula von der Leyen បញ្ជាក់ថា «យើងមានជម្រើសមួយគឺហាមប្រាមក្រុមហ៊ុន AstraZeneca លក់ទៅក្រៅតំបន់ប្រសិនបើមិនទាន់អនុវត្តកិច្ចព្រមព្រៀងផ្គត់ផ្គង់វ៉ាក់សាំងគ្រប់គ្រាន់ដល់តំបន់ទាំងមូល។
ការព្រមានខាងលើ របស់ប្រធានគណៈកម្មការអឺរ៉ុប កើតឡើង ក្នុងពេលប្រទេសក្នុងតំបន់បង្កើនការចាក់វ៉ាក់សាំង ជូនពលរដ្ឋ ដើម្បីគ្រប់គ្រងស្ថានភាពនៃការឆ្លង បានល្អបំផុត ។ បច្ចុប្បន្នការឆ្លងនៅតំបន់អឺរ៉ុប កើនឡើងខ្ពស់ប៉ុន្មានថ្ងៃចុងក្រោយនេះ ទាំងនោះហើយធ្វើឲ្យអឺរ៉ុប បង្កើនការចាក់វ៉ាក់សាំងជូនពលរដ្ឋ។ លោកស្រី Ursula von der Leyen បានបញ្ជាក់ថា ក្រុមហ៊ុនផលិតឱសថរបស់អង់គ្លេសបានប្រកាសថា បានផ្តល់ជូនវ៉ាក់សាំង៣០ភាគរយក្នុងចំណោម ៩០លានដូសរបស់

AstraZeneca ដែលបានព្រមព្រៀង ក្នុងដំណាក់កាលនៃត្រីមាសទីមួយឆ្នាំ២០២១។ ក្រុមហ៊ុន បានលើកឡើងថា ការផលិតមានភាពយឺតយ៉ាវ នៅក្នុងតំបន់អឺរ៉ុប។ បើទោះបីយ៉ាងណាក្តីក្រុមហ៊ុននិងផ្គត់ផ្គង់ឲ្យបានគ្រប់គ្រាន់ទាន់ពេលវេលា៕ ដោយ៖ធីរីណា

រូបភាព៖ttxvn