ជំងឺរាតត្បាតកូវីដ–១៩រីករាលដាលបានជះឥទ្ធិពលយ៉ាងខ្លាំងដល់បាល់ទាត់ហើយអាចផលប៉ះពាល់ ក្នុងអំឡុងពេលទីផ្សារផ្ទេរក៏ថាបាន ព្រោះក្លិបមួយចំនួនមិនមានចំណូលច្រើនក្នុងការទិញកីឡាករ។

យោងតាមការចេញផ្សាយរបស់សារព័ត៌មានអេស្ប៉ាញ MARCA បានឲ្យដឹងនៅព្រឹកថ្ងៃទី២៩ មីនានេះថា ក្លិបនានាសូម្បីតែឥស្សរជន និងក្លិបអ្នកមានបំផុតនៅអឺរ៉ុបក៏សម្លឹងមើលការចរចាផងដែរ។ Sergio Agueroអាចនឹងក្លាយជាកីឡាករល្អបំផុតម្នាក់នៅរដូវក្តៅនេះដែលកិច្ចសន្យារបស់គាត់នឹងត្រូវបញ្ចប់។

ក្លិបធំៗមួយចំនួននៅអឺរ៉ុបចង់ចុះកុងត្រាជាមួយខ្សែប្រយុទ្ធសញ្ជាតិអាហ្សង់ទីនរូបនេះគឺក្លិប Barcelona, ​​Juventus និង Paris Saint-Germain។ Barcelona សង្ឃឹមថា Lionel Messi នឹងស្នាក់នៅក្លិបហើយអាចជួយលួងលោមមិត្តភក្តិ និងមិត្តរួមជាតិរបស់គាត់ទៅទឹកដី Camp Nouផងដែរ។

ទន្ទឹមនឹងនេះដែរសារព័ត៌មានមួយចំនួនកំពុងរាយការណ៍ថា ក្លិប Juventusក៏ចាប់អារម្មណ៍ផងដែរ។ ក្លិបនៅទីក្រុងទូរីនមួយនេះចង់ពង្រឹងខ្សែប្រយុទ្ធដើម្បីអមដំណើរកីឡាករ Cristiano Ronaldo ក្នុងការវាយលុក ហើយ Aguero គឺជាជម្រើសមួយរបស់ពួកគេ។ ក៏ដូចជា Aguero ដែរពួកគេកំពុងបង្វែរ៉ាដាទៅលើអតីតកីឡាកររបស់ពួកគេគឺ Moise Kean និង Arkadiusz Milik ។

ក្លិបយក្សរបស់បារាំង Paris Saint-Germain ក៏ចង់បាន Aguero ដែរ។ សារព័ត៌មានបារាំងបានរាយការណ៍ថា ក្រុមប្រឹក្សាភិបាលចង់នាំគាត់ចូលទៅក្នុងការរៀបចំរបស់លោក Mauricio Pochettino ជាអ្នកចាត់ការក្រុមនេះ។

ទោះបីជាយ៉ាងណា Aguero លេងបានតែ១៤ប្រកួតប៉ុណ្ណោះនៅរដូវកាលនេះដោយសារតែបញ្ហារបួសបានធ្វើឲ្យកីឡាកររូបនេះអវត្តមានក្នុងការបង្ហាញខ្លួន ក្នុងនោះគាត់រកបាន៣គ្រាប់ឲ្យក្រុម Manchester City រដូវកាលនេះ ៕ដោយ៖ ភារៈ