ខេត្តព្រះសីហនុ៖ កម្លាំងនគរបាលការិយាល័យ ប្រឆាំងបទល្មើសគ្រឿងញៀន នៃស្នងការដ្ឋាននគរបាល ខេត្តព្រះសីហនុ បានឃាត់ខ្លួនបុរសម្នាក់ ជាមុខសញ្ញាចែកចាយ និងរក្សាទុក ថ្នាំញៀន កាលពីយប់ថ្ងៃទី៣ ខែមីនា ឆ្នាំ២០១៦ ស្ថិតក្នុងភូមិ១ សង្កាត់លេខ២ ក្រុង-ខេត្តព្រះសីហនុ។
មន្ត្រីនគរបាល ខេត្តព្រះសីហនុ បានឲ្យដឹងថា ជនសង្ស័យគឺជាមុខសញ្ញាចែកចាយថ្នាំញៀន បានយកថ្នាំញៀន មកលក់អោយក្រុមកម្មករសំណង់ និងអ្នករត់ម៉ូតូឌុប ទើបសមត្ថកិច្ចឃាត់ខ្លួន។ ជនសង្ស័យ ឈ្មោះយូ ពុទ្ធី អាយុ៥០ឆ្នាំ មុខរបររត់ម៉ូតូឌុប មានស្រុកកំណើត នៅខេត្តបាត់ដំបង និង ទីលំនៅបណ្តោះអាសន្ន ក្នុងភូមិ១ សង្កាត់លេខ២ ក្រុងព្រះសីហនុ។ ជាមួយការខ្លួនសមត្ថកិច្ចដកហូតវត្ថុតាង ថ្នាំញៀនប្រភេទក្រាមសថ្លាចំនួន ៩កញ្ចប់តូចស្មើរនិង២.៩០ក្រាម។
ក្រោយពីសាកសួរ ជនសង្ស័យ ត្រូវបានសម្តកិច្ច កសាងសំណុំរឿង បញ្ជូនទៅសាលាដំបូង ខេត្តព្រះសីហនុ ដើម្បីផ្តន្ទាទោសតាមច្បាប់៕
ដោយ៖ ឆ្លាមសមុទ្រ
