ភ្នំពេញ៖ មន្ត្រីនគរបាលខណ្ឌដង្កោម្នាក់ ខណៈដឹកប្រពន្ធនិងកូនត្រឡប់ទៅផ្ទះ ក៏ត្រូវរថយន្តអាបែនដឹកដីធុនធំបុកនិងកិនស្លាប់យ៉ាងរន្ធត់ នៅយប់ថ្ងៃទី១ ខែឧសភា ឆ្នាំ២០២១ ត្រង់ចំណុចមុខបុរីប៉េងហួត តាមបណ្ដោយផ្លូវ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ សពជនរងគ្រោះមានឈ្មោះ ម៉ៅ ចាន់ឌូ ជាមន្ត្រីសក្ក័៣ ផ្នែកអន្តរាគមន៍ នៃអធិការដ្ឋាននគរបាលខណ្ឌដង្កោ ។
ក្នុងករណីនេះ ប្រពន្ធនិងកូននៃសព បានរងរបួសកំពុងសម្រាកព្យាបាលនៅមន្ទីរពេទ្យបង្អែក ដង្កោ ។ ដោយឡែកតៃកុងរថយន្តបង្កត្រូវបានសមត្ថកិច្ចចាប់ខ្លួនបញ្ចូនទៅកាន់ស្នងការដ្ឋាននគរបាលរាជធានីភ្នំពេញ ដើម្បីចាត់ការតាមច្បាប់ ព្រមទាំងនាំយកវត្ថុតាង ម៉ូតូមួយគ្រឿងម៉ាក ហុងដា ប៊ីក ពណ៌ស ពាក់ស្លាកលេខភ្នំពេញ 1IN-2083 ជារបស់ជនរងគ្រោះ។ និងរថយន្តបង្កម៉ាក CAMC ប្រភេទដឹកដីធុនធំ ពណ៌ស គ្មានស្លាកលេខ ផងដែរ៕ ដោយ ៖ ភារ៉ា ដង្កោ
