ខេត្តបន្ទាយមនាជ័យ÷ នៅវេលាម៉ោង៩និង២៤នាទីយប់ថ្ងៃទី២២ខែឧសភា ឆ្នាំ២០២១ កម្លាំងនគរបាលកសរពារព្រំដែនសហការជាមួយកម្លាំងប្រជាការពារ ប្រចាំការទប់ស្កាត់ពលករលួចឆ្លងដែននៅ គោលដៅតេជោភ្នំឆ័ត្របានប្រទះឃើញមនុស្សប្រុស ស្រី ចំនួន៣នាក់ ត្រូវរថយន្តមិនស្គាល់ម៉ាកបានដឹកមកទម្លាក់ចោលនៅមុខផ្ទះប្រជាពលរដ្ឋគ្មានម្ចាស់ត្រង់ចំណុចភូមិតេជោភ្នំឆ័ត្រ ឃុំស្វាយចេកហើយទៅបាត់។
លោកដោក ខាំ នាយប៉ុស្តិ៍នគរបាលឃុំផ្គាំ ឈរជើងនៅគោលដៅតេជោភ្នំឆ័ត្រ បានឲ្យដឹងថា៖
ស្ត្រីជនជាតិខ្មែរ២នាក់ឈ្មោះទី១ ថា ប៊ុនហ្កិច អាយុ២០ឆ្នាំទី២-ឈ្មោះថា ប៊ុនសៀកទៀង អាយុ១៨ឆ្នាំ អ្នកទាំងពីរត្រូវជាបងប្អូននឹងគ្នារស់នៅភូមិព្រែកគយ ឃុំព្រែកគយ ស្រុកស្អាង ខេត្តកណ្តាល ។ចំណែកបុរសជនជាតិប៉ាគីស្ថាន ឈ្មោះ មហាម៉ាត់អៃយ៉ាស់ អាយុ ៤៥ឆ្នាំ ស្នាក់នៅផ្ទះជិតស្ត្រីខ្មែរទាំង២នាក់នោះ ។
លោក ដោក ខាំ បានបញ្ជាក់ថា ៖ តាមការសាកសួរ ពួកគេធ្វើដំណើរពីភ្នំពេញមកដេកនៅខេត្តសៀមរាបមួយយប់ និងដេកនៅខេត្តបន្ទាយមានជ័យមួយយប់ លុះល្ងាចថ្ងៃទី២២ ខែឧសភា រករថយន្តឈ្នួលជិះត្រឡប់ទៅភ្នំពេញវិញហើយមិនដឹងរឿងអីម្ចាស់រថយន្តបានដឹកពួកគេទៅទម្លាក់ចោលនៅទីតាំងខាងលើនោះទៅវិញធ្វើឲ្យពួកគេដាច់បាយដាច់ទឹកនិងថែមទាំងម្ចាស់រថយន្តយកថ្លៃឈ្នួលដឹកពីបន្ទាយមានជ័យទៅកន្លែងកើតហេតុចំនួន៥០ដុល្លារទៀតទើបបើករថយន្តគេចខ្លួនបាត់តែម្ដង។
លោកប្រាប់ថាអ្នកទាំង៣នាក់ បានបញ្ជូនទៅមណ្ឌលសុំចតច្រកអូរបីជាន់ដើម្បីត្រួតពិនិត្យនិងធ្វើចត្តាឡីស័ក រកមេរោគcivid-19៕

ដោយ÷វណ្ណា