ភ្នំពេញ៖ ពាក់ពន្ធ័ទៅនឹងជនអនាថា ព្រមទាំងអ្នកសុំទានដើរ ដេកតាមទីសាធារណៈ ឬតាមសំយ៉ាប់ផ្ទះត្រូវសាលារាជធានីភ្នំពេញដាក់បទបញ្ជាឲ្យអាជ្ញាធរមូលដ្ឋាន ពិសេសតាមសង្កាត់មានវិធានការប្រមូលយកទៅសង្គមកិច្ច ដើម្បីអប់រំ និងបណ្តុះបណ្តាលវិជ្ជាជីវៈ និង ដើម្បីលើកកម្ពស់មុខមាត់រាជធានីភ្នំពេញឲ្យសក្តិសមពាក្យស្លោកថា «រាជធានីភ្នំពេញជាទីក្រុងគជ់»នោះ តែផ្ទុយទៅវិញ លោកជា សុភិន ចៅសង្កាត់អូរឫស្សី១ បែរជាព្រងើយកន្តើយមិនយកចិត្តទុកដាក់ និងគ្មានទំនួលខុសត្រូវចំពោះបញ្ហាទាំងនេះទៅវិញ ហាក់បីដូចជា ការផ្គើនទៅនឹងបទបញ្ជារបស់សាលារាជធានីភ្នំពេញ ដែលកំពុងយកចិត្តទុកដាក់យ៉ាងខ្លាំងទៅនឹងបញ្ហាជនអនាថា និងអ្នកសុំទាននេះ ។
ពាក់ពន្ធ័ករណីនេះ លោកលីម សុភា អភិបាលនៃគណៈអភិបាលខណ្ឌ៧មករា បានប្រាប់តាមទូរស័ព្ទថា ខាងសាលាខណ្ឌកំពុងតែបានយកចិត្តទុកដាក់យ៉ាងខ្លាំង និងសហការជាមួយកម្លាំងនគរបាលខណ្ឌដើម្បីដើរប្រមូល ហើយសាលាខណ្ឌនឹងបញ្ជូនទៅកាន់មន្ទីរសង្គមកិច្ចអតីយុវជន និងនីតិសប្បទា ។ តែលោកជា សុភិន បែរជាគ្មានទំនួលខុសត្រូវ និងអនុវត្តតាមបទបញ្ជារបស់សាលាដោយ ទំលាក់បន្ទុកទាំងអស់នេះ មកលើកម្លាំងនគរបាលត្រូវស្រុង យករួចខ្លួនតែឯងទៅវិញ ជាក់ស្តែងនៅយប់ទៀបភ្លឺថ្ងៃទី១៤ ខែមីនា ឆ្នាំ២០១៦ កម្លាំងនគរបាលប៉ុស្តិ៍អូរឫស្សីទី១ បានប្រមូលជនអនាថា ដែលដេកតាមសំយ៉ាប់ផ្ទះរបស់ប្រជាពលរដ្ធក្នុងមូលដ្ធានរបស់ខ្លួនយកមកប្រគល់ឲ្យសាលាសង្កាត់អូរឫស្សីទី១តែបែរជាលោកជា សុភិន ចៅសង្កាត់អូរឫស្សីទី១ បដិសេធន៍មិនទទួលយកដើម្បីបញ្ជូនទៅសង្គមកិច្ចនោះទេ ដោយបានទំលាក់ទុកឲ្យនគរបាលប៉ុស្តិ៍ទៅវិញ ៕
ដោយ៖ ស សម
