ខេត្តស្វាយរៀងះបុរសជនជាតិវៀតណាមម្នាក់បានស្លាប់ភ្លាមៗនិងកន្លែងបង្កការភ្ញាក់ផ្អើលអ្នកធ្វើដំណើរបន្ទាប់ពីមានករណីគ្រោះថ្នាក់ចរាចរណ៍គួរអោយរន្ធត់រវាង
រថយន្តកង់ទីន័បើកបរវ៉ាជែងក្នុងស្ថានភាពគ្រោះថ្នាក់បុកម៉ូតូបញ្ច្រាស់យ៉ាងពេញទំហឹងកាលពីវេលាម៉ោង២និង៤៧ នាទីរសៀលថ្ងៃទី ២៩ ខែ ឧសភា ឆ្នាំ ២០២១ នៅលើផ្លូវជាតិលេខ១ ចន្លោះគីឡូម៉ែត្រលេខ ១៤៨-១៤៧ ស្ថិតនៅក្នុងភូមិថ្នល់ជាតិ សង្កាត់ច្រកម្ទេស ក្រុងបាវិត ខេត្តស្វាយរៀង ។

សមត្ថកិច្ចនគរបាលក្រុងបាវិតបានអោយដឹងថាអ្នកស្លាប់មានឈ្មោះបៀង វ៉ាងង៉  អាយុ ៥៨ ឆ្នាំជនជាតិវៀតណាម រស់នៅភូមិ៥ ឃុំហ្វឿកជី ស្រុកចាងបាង ខេត្តតាយនិញប្រទេសវៀតណាម។

ចំណែកអ្នកបើករថយន្តមិនត្រូវបានស្គាល់ឈ្មោះនោះទេក្រោយបង្កហេតុបានរត់គេចខ្លួនបន្សល់តែរថយន្តកង់ទីន័ម៉ាក SCANIA ពណ៏ទឹកប៊ិច ពាក់ស្លាកលេខ ស្វាយរៀង ៣A-៣៥២៦និងកន្លែង។

តាមសាក្សីបានអោយដឹងថាមិនកើតហេតុមានបុរសម្នាក់បានជិះម៉ូតូមួយគ្រឿងម៉ាកហុងដាwaves ពណ៍ខ្មៅ ពាក់ស្លាកលេខវៀតណាម៦២-S១០៤០.១៩ នៅលើផ្លូវជាតិលេខ១ក្នុងទិសដៅពីលិចទៅកើត ខណ:នោះស្រាប់តែមានរថយន្តកង់ទីន័ម៉ាក SCANIA ពណ៏ទឹកប៊ិច ពាក់ស្លាកលេខ ស្វាយរៀង ៣A-៣៥២៦បើកក្នុងទិសដៅបញ្ច្រាស់គ្នាដោយវ៉ាជែងក្នុងស្ថានភាពគ្រោះថ្នាក់ ក៏បុកគ្នាយ៉ាងពេញទំហឹងបណ្ដាលអោយជនរងគ្រោះស្លាប់ក្រោមរថយន្តគួរអោយសង្វេគបំផុត។

បច្ចុប្បន្នសាកសពសមត្ថកិច្ចបានលើកយកមករក្សាទុកនៅវត្តសុវណ្ណរាមដើម្បីរងចាំក្រុមគ្រួសារ មកយកទៅធ្វើបុណ្យតាមប្រពៃណី។

ចំណែកមធ្យោបាយធ្វើដំណើរទាំង២គ្រឿងសមត្ថកិច្ចយកមករក្សាទុកនៅអធិការដ្ឋាននគរបាលក្រុងបាវិត ដើម្បីកសាងសំណុំរឿងចាត់ការតាមច្បាប់ ៕