ភ្នំពេញ៖ កាលពីព្រឹកថ្ងៃទី១៤ ខែមីនា ឆ្នាំ២០១៦ លោកស្រី អាន្នី សុខអាន អនុប្រធានកាកបាទក្រហមកម្ពុជា តំណាងខ្ពង់ខ្ពស់របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានទទួលជួបសវនាការ និងទទួលអំណោយ ពីលោក ហ្សាក់ សុី អុក ប៉ាក ប្រធានគ្រប់គ្រងតំបន់ របស់ ក្រុមហ៊ុន( ដុងអេ ហ្វាម៉ាសឺធីខល ) ជាកញ្ចាប់ថវិកាចំនួន១០០,០០០.០០ដុល្លារ( ដប់មុឺនដុល្លារអាមេរិក ) ដើម្បីយកទៅប្រើប្រាស់ក្នុងគោលដៅការងារមនុស្សធម៌ ។

លោកស្រី អានី សុខអាន តំណាងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន បានថ្លែងអំណរគុណដល់ម្ចាស់ក្រុមហ៊ុន និងសូមឱ្យក្រុមហ៊ុនដំណើរការរីកចម្រើន ព្រមទាំងបន្តជួយការងាសង្គមបន្ថែមទៀតនាពេលបន្តបន្ទាប់ ៕

ដោយ៖ សុវណ្ណារ៉ា