ភ្នំពេញ ៖ កន្លែងឡរដុតនំនៅហាងនំបុ័ងស្ទឹងមានជ័យ សាខាចំការដូង បានទុស្សេខ្សែរភ្លើងឆេះផ្អើលដល់បុគ្គលិកក្នុងហាង និងរាយការណ៍ទៅអាជ្ញាធរមានសមត្ថកិច្ចខណ្ឌដង្កោឲ្យជួយអន្តរាគមន៍ កាលពីវេលាម៉ោង ២រសៀលថ្ងៃទី២ ខែមិថុនា ឆ្នាំ២០២១ ស្ថិតនៅត្រង់ចំណុចហាងនំប៉័ងស្ទឹងមានជ័យ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញផ្សែងហុយចេញខ្មួលខ្មាញ់ពីបន្ទប់ឡរដុតនំប៉័ងខាងលើ ទេីបបង្កឲ្យមានការភ្ញាក់ផ្អើលដល់បុគ្គលិកនាំគ្នាយកបំពង់ពន្លត់អគ្គីភ័យទៅបាញ់ទប់ស្កាត់ការពារកុំឲ្យឆេះរាលដាលនិងរាយការណ៍ជូនកម្លាំងសមត្ថកិច្ចមូលដ្ឋានក៏ដូចជារថយន្តពន្លត់អគ្គីភ័យឲ្យចេញជួយអន្តរាគមន៍បាញ់ពន្លត់ ។
បន្ទាប់ពីទទួលបានព័ត៌មានខាងលេីភ្លាម សមត្ថកិច្ចជំនាញបានចេញរថយន្តពន្លត់អគ្គីភ័យចំនួនពីរគ្រឿងមកដល់កន្លែងកើតហេតុដើម្បីជួយអន្តរាគមន៍ តែមិនបានប្រើប្រាស់ទឹកនោះទេដោយគ្រាន់តែប្រើប្រាស់បំពង់ពន្លត់អគ្គីភ័យតែប៉ុណ្ណោះ ក៏គ្រប់គ្រងស្ថានការណ៍បាញ់ពន្លត់ឲ្យរលត់ទៅវិញជាស្ថាពរ ហើយនៅក្នុងករណីអគ្គីភ័យខាងលើនេះដែរមិនបង្កឲ្យមានមនុស្សណាម្នាក់រងរបួស និងខូចខាតទ្រព្យសម្បត្តិនោះឡេីយ ៕
ដោយ ៖ ភារ៉ា ដង្កោ
