ភ្នំពេញ៖ នៅទីបញ្ជាការដ្ឋាន​កងរាជអាវុធហត្ថលើផ្តៃប្រទេស នារសៀលថ្ងៃទី១៥ ខែមីនា ឆ្នាំ២០១៦ បានរៀបចំពិធី​បំពាក់ឋានន្តរស័ក្តិ និងឥស្សរិយយសជូនដល់នាយអាវុធហត្ថជាន់ខ្ពស់ជាច្រើនរូប ថ្នាក់មេបញ្ជាការរង ថ្នាក់នាយរងសេនាធិការនៃកងរាជអាវុធហត្ថលើផ្ទៃប្រទេស ក្រោមអធិបតីភាពដ៏ខ្ពង់ខ្ពស់ នាយឧត្តមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងមានការអញ្ជើញចូលរួមពីនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការ​កងរាជអាវុធហត្ថលើផ្ទៃប្រទេស នៅក្នុងពិធីបំពាក់ឋានន្តរស័ក្តិ និងគ្រឿងឥស្សរិយយសជូនដល់នាយអាវុធហត្ថជាន់ខ្ពស់ មានវត្តមានចូលរួមពីលោកឧត្តមសេនីយ៍មេបញ្ជាការរង លោកឧត្តមសេនីយ៍នាយសេនាធិការ នាយសេនាធិការរង ស្នងការ ស្នងការរង លោកឧត្តមសេនីយ៍មេបញ្ជាការ កងរាជអាវុធហត្ថ រាជធានី ខេត្ត និងនាយការិយាល័យជាច្រើនរូបទៀត ៕ សុខ ខេមរា