ភ្នពេញ៖ នៅវេលាម៉ោង៣និង៣០នាទីថ្ងៃទី១៥ ខែមីនា ឆ្នាំ២០១៦ នៅទីស្តីការក្រសួងការបរទេស និងសហប្រតិបត្តិការអន្តរជាតិ លោកឧបនាយករដ្ឋមន្ត្រី ហោ ណាំហុង បានចុះហត្ថលេខាជាមួយឯកឧត្តម អ៊ីវ៉ូ ស៊ីប៊ឺ (Ivo SIEBER) ឯកអគ្គរដ្ឋទូតស្វីសប្រចាំកម្ពុជា លើកិច្ចព្រមព្រៀងរវាងរាជរដ្ឋាភិបាលកម្ពុជា និងរដ្ឋាភិបាលសហព័ន្ធស្វីស ស្តីពីកិច្ចសហប្រតិបត្តិការបច្ចេកទេស ហិរញ្ញវត្ថុ សេដ្ឋកិច្ច និងជំនួយ មនុស្សធម៌ (The Framework Agreement between the Royal Government of Cambodia and the Swiss Federal Council concerning Technical, Financial and Economic Cooperation as well as Humanitarian Assistance)។

បច្ចុប្បន្ន ជំនួយហិរញ្ញវត្ថុប្រចាំឆ្នាំរបស់ស្វីសចំពោះកម្ពុជាមានចំនួន ១២ លានហ្រ្វង់ស្វីស (១២ លានដុល្លារអាមេរិក) ដែលផ្តោតលើ អភិបាលកិច្ចមូលដ្ឋាននិងការចូលរួមរបស់ពលរដ្ឋ កសិកម្មនិងសន្តិសុខស្បៀង ការអភិវឌ្ឍន៍ជំនាញនិងការងារ ហើយនិងមន្ទីរពេទ្យគន្ធបុប្ផា៕ សុខ ខេមរា