មន្ត្រីបាល់ទាត់ដាណឺម៉ាកបាននិយាយថា កីឡាករ Christian Eriksenនៅតែមានសុខភាពល្អនៅក្នុងមន្ទីរពេទ្យ ហើយបានផ្ញើសារស្វាគមន៍ដល់មិត្តរួមក្រុមជម្រើសជាតិរបស់គាត់។ Eriksen បានដួលភ្លាមៗមុនពេលពាក់កណ្តាលម៉ោងនៅក្នុងការប្រកួតបើកឆាក យូរ៉ូ២០២០ របស់ដាណឺម៉ាកជាមួយប្រទេសហ្វាំងឡង់កាលពីយប់ថ្ងៃសៅរ៍។

កីឡាកររបស់ក្លិប Inter Milan វ័យ២៩ឆ្នាំរូបនេះបានទទួលការព្យាបាលបន្ទាន់នៅលើទីលានមុនពេលបញ្ជូនទៅកាន់មន្ទីរពេទ្យ។ សេចក្តីថ្លែងការណ៍មួយបានឲ្យដឹងថា ស្ថានភាពរបស់គាត់មានស្ថេរភាពហើយគាត់នៅតែបន្តសម្រាកនៅមន្ទីរពេទ្យដើម្បីធ្វើការពិនិត្យបន្ត ។

សេចក្តីថ្លែងការណ៍បន្តថា “នៅព្រឹកនេះយើងបាននិយាយទៅកាន់Eriksen ដែលបានផ្ញើការសួរសុខទុក្ខដល់មិត្តរួមក្រុមរបស់គាត់។ក្រុមការងារ និងបុគ្គលិកនៃក្រុមជម្រើសជាតិបានទទួលជំនួយស្មារតីហើយនឹងបន្តនៅទីនោះសម្រាប់គ្នាទៅវិញទៅមកបន្ទាប់ពីឧប្បត្តិហេតុកាលពីថ្ងៃសៅរ៍។ យើងសូមថ្លែងអំណរគុណដល់អ្នករាល់គ្នាចំពោះការស្វាគមន៍ដ៏ស្មោះអស់ពីចិត្តរបស់ពួកគេ”។

ឧប្បត្តិហេតុកាលពីថ្ងៃសៅរ៍បានកើតឡើងនៅពេលដែលការបោះបាល់ត្រូវបានគេលេងឆ្ពោះទៅរក Eriksen នៅជិតចុងបញ្ចប់នៃតង់ទីមួយ។ មិត្តរួមក្រុមឃើញហេតុការណ៍សន្លប់នេះក៏បានឡោមព័ទ្ធគាត់ និងអ្នកគាំទ្រដែលភ្ញាក់ផ្អើលនៅឯកីឡដ្ឋាន Parken មានការខកចិត្តយ៉ាងខ្លាំងនៅពេលដែលកីឡាករត្រូវបានគេសែងយកទៅព្យាបាល។

វេជ្ជបណ្ឌិតក្រុមដាណឺម៉ាកលោក Martin Boesen បាននិយាយថា Eriksenបានសន្លប់បាត់ស្មារតីនៅពេលដែលគាត់ឈរលើទីលាន។ លោកអះអាងថា “នៅពេលខ្ញុំទៅដល់ គាត់ដកដង្ហើម ខ្ញុំអាចមានអារម្មណ៍ថាមានជីពចរ ប៉ុន្តែភ្លាមៗនោះបានប្រញាប់ធ្វើចលនា ហើយយើងចាប់ផ្តើមជួយសង្គ្រោះគាត់។ជំនួយពិតជាបានលឿនពីក្រុមវេជ្ជសាស្រ្ត និងបុគ្គលិកដែលនៅសេសសល់ដោយសហការគ្នាហើយយើងបានធ្វើអ្វីដែលយើងត្រូវធ្វើ និងចាត់ចែងឲ្យEriksen ទៅសម្រាកនៅមន្ទីរពេទ្យ”។

កាលពីខែមុន កីឡាករ Eriksen បានជួយក្រុម Inter Milan ឲ្យឈ្នះជើងឯកអុីតាលីជាលើកដំបូងក្នុងរយៈពេល១១ឆ្នាំ ជារដូវកាលដំបូងរបស់គាត់ជាមួយក្លិបនេះបន្ទាប់ពីចូលរួមពីក្រុម Tottenham ក្នុងតម្លៃ១៦.៩ លានផោនក្នុងខែមករា ឆ្នាំ២០២០ ។ អតីតកីឡាករយុវជនក្រុម Ajax បានចំណាយពេល៧ឆ្នាំជាមួយក្រុម Tottenham ដោយរកបាន៦៩គ្រាប់ក្នុងការបង្ហាញខ្លួន៣០៥លើក៕ដោយ៖ ភារៈ