ខេត្តមណ្ឌលគិរី ៖ ជនសង្ស័យប្រុសស្រីចំនួន៩ នាក់ត្រូវបានកម្លាំងសមត្ថកិច្ចនគរបាលខេត្តមណ្ឌលគិរីឃាត់ខ្លួនបានជាបន្តបន្ទាប់ពាក់ព័ន្ធទៅនឹងករណីគ្រឿងញៀន។
សមត្ថកិច្ចបានឲ្យដឹងថា នៅថ្ងៃអង្គារ១៣កើត ខែបឋមសាឍឆ្នាំជូត ត្រីស័ក
ព.ស ២៥៦៥ត្រូវ និងថ្ងៃទី២២ ខែមិថុនាឆ្នាំ២០២១ វេលាម៉ោង០៩ និង៣០នាទី កម្លាំងនៃអធិការដ្ឋាននគរបាលស្រុកអូររាំង សហការជាមួយកម្លាំងជំនាញការិយាល័យប្រឆាំងគ្រឿងញៀនខេត្ត ដោយមានការសម្របសម្រួលពីលោក ម៉ម វ៉ាន់ដា ព្រះរាជអាជ្ញាអមសាលាដំបូងខេត្តមណ្ឌលគិរី បានចុះបង្រ្កាបករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន និងករណីប្រើប្រាស់អាវុធដោយខុសច្បាប់ នៅចំណុចផ្ទះរបស់ឈ្មោះ ឡាំ លន់ ស្ថិតក្នុងក្រុមពូជូរ ភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី ។ ដោយបានធ្វើការឃាត់ខ្លួនជនសង្ស័យម្នាក់ជាម្ចាស់ផ្ទះឈ្មោះ ឡាំ លន់ ភេទប្រុស អាយុ ៦២ឆ្នាំ និងបានចាប់យកសម្ភារៈវត្ថុតាងមួយចំនួនមានដូចខាងក្រោម៖
១- សាធាតុសង្ស័យជាសាធាតុញៀនមានសណ្ឋានជាក្រាមពណ៍សរថ្លាចំនួន០៦កញ្ចប់(០៣កញ្ចប់ធំល្មម និង០៣កញ្ចប់តូច)ទម្ងន់២៣,៥២ក្រាម(ថ្លឹងទាំងសំបកថង់)។
២- កាបូបដៃ(ពណ៌ដី) ០១
៣- អាវុធកែច្ឆៃ ០៣ ដើម
៤- ជញ្ជីងថ្លឹងសាធាតុញៀន០១ គ្រឿង
៥- ដាវសាំម៉ារ៉ៃ ០១
៦- កន្ត្រៃ ០៤
៧- ទុយោ ០១ ដុំ
៨- កាំបិតតូចស្រួច ០៣
៩- ដែកជំពុះទុង ០១
១០- ប្រាក់ចំនួន ៤,២០០,០០០៛(បួនលានម្ភៃម៉ឺនរៀល)នឹងប្រាក់ដុល្លា៦០$ (ហុកសិបដុល្លា)
១១- លោហធាតុសង្ស័យផ្លាកទីន(ខ្សែក) ១ខ្សែ
១២- ជញ្ចៀន ២វង់
១៣- ការបូបខ្មៅដាក់សម្ភារៈ ១
១៤- កូនសៀវភៅ ១ក្បាល
១៥- ទូរសព្ទ ៥គ្រឿង
១៦- សំបកថង់សម្រាប់វេចខ្ចប់គ្រឿងញៀន ១៧៧ថង់។
១៧- ម៉ូតូ ៥គ្រឿង(ខូច២គ្រឿង) និងម៉ូតូអ្នកប្រើប្រាស់គ្រឿងញៀនខាងក្រោមចំនួន៤គ្រឿង ទៀតសរុប៩គ្រឿង ។
១៨- ឧបករណ៍កែច្នៃសំរាប់ជក់គ្រឿងញៀនមួយចំនួន ។
សមត្ថកិច្ចបានបន្តទៀតថាបន្ទាប់មកកម្លាំងជំនាញប្រឆាំងគ្រឿងញៀនស្រុកអូររាំង បន្តធ្វើការឃាត់ខ្លួនជនសង្ស័យពាក់ព័ន្ធចំនួន៨នាក់បន្ថែមទៀត:
១- ឈ្មោះ ភឿង សុភារ៉ា ភេទប្រុស អាយុ៣០ឆ្នាំមុខរបរកសិករមានទីលំនៅភូមិពូហ្យាមឃុំសែនមនោរម្យស្រុកអូររាំងខេត្តមណ្ឌលគិរី លទ្ធផលវិជ្ជមាន(+)។ វត្ថុតាងម៉ូតូ ១គ្រឿង ម៉ាក ឆ្លាម ពណ៌ទឹកសមុទ្រ។
២- ឈ្មោះ អ៊ាន ឡើង ភេទប្រុសអាយុ២៩ឆ្នាំមុខរបរ កសិករ មានទីលំនៅភូមិអណ្ដូងក្រឡឹងឃុំសែនមនោរម្យស្រុកអូររាំងខេត្តមណ្ឌលគិរី លទ្ធផលវិជ្ជមាន(+)។ វត្ថុតាងម៉ូតូ ១គ្រឿង ម៉ាក វេវ ពណ៌ស។
៣- ឈ្មោះ សាលី ផេង ភេទប្រុសអាយុ៣៣ឆ្នាំមុខរបរ កសិករ ភូមិស្វាយចេក សង្កាត់ សុខដុម ក្រុងសែនមនោរម្យខេត្តមណ្ឌលគិរីលទ្ធផលវិជ្ជមាន (+)។
៤- ឈ្មោះ ធី ពិសី ភេទប្រុស អាយុ១៨ឆ្នាំមុខរបរ កសិករ មានទីលំនៅភូមិពូឡេះឃុំដាក់ដាំស្រុកអូររាំងខេត្តមណ្ឌលគិរីលទ្ធផលវិជ្ជមាន(+)។
៥- ឈ្មោះ ហ៊ីង ទិត្យ ភេទប្រុសអាយុ១៨ឆ្នាំ មុខរបរ កសិករ មានទីលំនៅភូមិពូឡេះឃុំដាក់ដាំស្រុកអូររាំងខេត្តមណ្ឌលគិរីលទ្ធផលវិជ្ជមាន(+)។ វត្ថុតាងម៉ូតូ ១គ្រឿង ម៉ាកឆ្លាម ពណ៌ស។
៦- ឈ្មោះ ព្លើម ធី ភេទស្រីអាយុ៤៨ឆ្នាំមុខរបរកសិករ មានទីលំនៅភូមិអណ្ដូងក្រឡឹងឃុំសែនមនោរម្យស្រុកអូររាំងខេត្តមណ្ឌលគិរីលទ្ធផលវិជ្ជមាន(+)។
៧- ឈ្មោះ រស់ រិទ្ធ ភេទប្រុស អាយុ ២៥ឆ្នាំ មុខរបរកសិករ ទីលំនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី លទ្ធផលវិជ្ជមាន(+)។
៨- ឈ្មោះ ថូ រដ្ឋាក់ ភេទប្រុស អាយុ ១៩ឆ្នាំ មុខរបរសិស្ស ថ្នាក់ទី១១ ទីលំនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី លទ្ធផលវិជ្ជមាន(+)។ វត្ថុតាងម៉ូតូ ១គ្រឿង ម៉ាក់ឌ្រីម ពណ៌ខ្មៅ ឆ្នាំ២០២១។
បច្ចុប្បន្នជនសង្ស័យរួមទាំងវត្ថុតាងកម្លាំងការិយាលយ័ជំនាញ កំពុងកសាងសំណុំរឿងដើម្បីបញ្ជូនទៅកាន់តុលាការចាត់វិធានការនីតិវិធី៕
ដោយ៖ ស សម
