ភ្នំពេញ៖ បុរសម្នាក់បានរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗខណៈកំពុងជិះម៉ូតូត្រូវរថយន្តហ៊ីយ៉ាន់ដាយធុនធំបេីកបុកពីក្រោយនិងកិនកាលពីវេលាម៉ោង១០និង៣០នាទីថ្ងៃទី១ខែកក្កដា ឆ្នាំ២០២១ នៅចំណុចមុខបុរីពិភពថ្មី តាមបណ្តោយមហាវិថីចោមចៅ(វេងស្រេង) សង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកគុបជ្រុង ពណ៌សំបកឪឡឹក ពាក់ស្លាកលេខភ្នំពេញ1BI 9058 ធ្វេីដំណេីរតាមបណ្តោយមហាវិថីចោមចៅ ក្នុងទិសដៅពីលិចទៅកេីតខណះមកដល់ចំណុចកេីតហេតុស្រាប់តែមានរថយន្តធុនធំម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3F 1755 ធ្វេីដំណេីរមកពីក្រោយបុកនិងកិនបណ្តាលឱ្យម៉ូតូជាប់ខាងក្រោមរថយន្តចំណែកអ្នកជិះម៉ូតូរងរបួសធ្ងន់និងបង្កឱ្យមានការកកស្ទះចរាចរណ៍យ៉ាងខ្លាំងផងដែរ។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែកម៉ូតូនិងរថយន្តត្រូវបានសមត្ថកិច្ចចុះធ្វេីការវាស់វែងយកទៅរក្សាទុករងចាំដោះស្រាយគ្នាពេលក្រោយ៕
ដោយ៖ សុខាសែនជ័យ
