ខេត្តស្វាយរៀង៖ បុរសម្នាក់ខណ:ទំនងស្រវឹងស្រាជិះម៉ូតូ​ប្រើប្រាស់​ល្បឿន​លឿនបុកជាមួយរថយន្តម៉ាកព្រុស ទិសដៅបញ្ច្រាស់គ្នាយ៉ាងពេញទំហឹងលាន់សូរដូចរន្ទះបណ្ដាលអោយរងរបួសបង្កការភ្ញាក់ផ្អើលដល់អ្នកភូមិកាលពីវេលាម៉ោង១២និង២៥នាទី ថ្ងៃទី២ខែកក្កដាឆ្នាំ២០២១ នៅលើផ្លូវជាតិ លេខ ៣១៦ ចំណុច ភូមិ​ ស្វាយតាយាន ឃុំ ស្វាយតាយាន ស្រុកកំពង់រោទិ៍។

នគរបាលស្រុកបានឲ្យដឹងថាបុរសដែលរងរបួសមានឈ្មោះឌឹម រតនា  អាយុ​ ២៣ ឆ្នាំ មុខរបរ កម្មកររោងចក្រ
ស្នាក់នៅ ភូមិ ធ្នង់ ឃុំ រមាំងថ្កោល ស្រុក ស្វាយទាប ខេត្តស្វាយរៀង
ជិះម៉ូតូម៉ាកស៊ុយសូគី(Nex)  ពាក់ស្លាកលេខ ភ្នំពេញ ១HF ៨៦០៤ខូចខាតយ៉ាងដំណំ។

ចំណែកអ្នកបើករថយន្តមានឈ្មោះ វិន លីណា ភេទ ប្រុស អាយុ ២៩ ឆ្នាំ មុខរបរ លក់ទូរស័ព្ទ មានទីលំនៅភូមិ ត្រោក ឃុំខ្សែត្រ ស្រុក កំពង់រោទិ៍ បើក
រថយន្តម៉ាក ព្រុស ពណទឹកប្រាក់ ពាក់ស្លាកលេខ ភ្នំពេញ ២BI ០៧៨៧។

តាមសាក្សីបានអោយដឹងថាមុនកើតហេតុបុរសម្នាក់បានជិះម៉ូតូមួយគ្រឿងម៉ាកស៊ុយសូគី(Nex)  ពាក់ស្លាកលេខ ភ្នំពេញ ១HF ៨៦០៤នៅលើផ្លូវជាតិ លេខ៣១៦ក្នុងទិសដៅពីត្បូងមកជើងទំនងជាស្រវឹងស្រាហើយប្រើប្រាស់ល្បឿនលឿនស្រាប់តែទៅបុកជាមួយ
រថយន្តម៉ាក ព្រុស ពណទឹកប្រាក់ ពាក់ស្លាកលេខ ភ្នំពេញ២BI ០៧៨៧ទិសដៅបញ្ច្រាស់គ្នាយ៉ាងពេញទំហឹងបង្កការភ្ញាក់ផ្អើលតែម្ដង។

ក្រោយមកសមត្ថកិច្ចបានមកដល់ធ្វើការវាស់វែងយកជនរងគ្រោះដឹកមកកាន់មន្ទីពេទ្យនិងអូសយកវត្តុតាងរថយន្ត និងម៉ូតូ យកមករក្សាទុកនៅប៉ុស្តិ៍រដ្ឋបាល​ស្វាយតាយាន​ដោះស្រាយតាមច្បាប់៕

ដោយ៖ យឹម  សុថាន