ភ្នំពេញ៖ យោងតាមសេចក្ដីជូនព័ត៌មានរបស់ក្រសួងការបរទេស និងសហប្រតិបត្តិការអន្តរជាតិបានឲ្យដឹងថា នៅថ្ងៃទី២១ ខែមីនា ឆ្នាំ២០១៦ វេលាម៉ោង១៦និង០០នាទីរសៀលនៅទីស្ដីការក្រសួងការបរទេស និងសហប្រតិបត្តិការអន្តរជាតិ សម្ដេចអគ្គមហាសេនាបតីតេជោ ហ៊ុន សែន និងធ្វើជាអធិបតីក្នុងពិធីចុះហត្ថលេខារវាង លោកឧបនាយករដ្ឋមន្ត្រី ហោ ណាំហុង និងលោក យូជី គូម៉ាម៉ារូ (Yuji KUMAMARU) ឯកអគ្គរដ្ឋទូតជប៉ុនប្រចាំព្រះរាជាណាចក្រកម្ពុជា លើលិខិតប្ដូរសារ និងកំណត់ហេតុនៃការពិភាក្សាស្ដីពីហិរញ្ញប្បទានឥតសំណង និងឥណទានសម្បទាន សម្រាប់គម្រោងដូចខាងក្រោម៖
១-ហិរញ្ញប្បទានឥតសំណង ដែលមានទឹកប្រាក់ចំនួន ៤,៧១៥លានយ៉េនសម្រាប់អនុវត្តគម្រោងចំនួន២ដូចជា គឺធ្វើឲ្យប្រសើរឡើងវិញនៅស្ពានជ្រោយចង្វា ដែលមានទឹកប្រាក់ចំនួន ៣,៣៤៣លានយ៉េន និងជំនួយសម្ភារបច្ចេកទេសបោសសម្អាតមីនដំណាក់កាលទី៧ ដែលមានទឹកប្រាក់ចំនួន ១,៣៧២លានយ៉េន ។
២-ឥណទានសម្បទានដែលមានទឹកប្រាក់ចំនួន ១៧,២៩៨លានយ៉េន សម្រាប់គម្រោងធ្វើឲ្យប្រសើឡើងវិញនូវផ្លូវជាតិលេខ៥ កំណាត់ផ្លូវពីព្រែកក្ដាម-ធ្លាម្អម-ដំណាក់កាលទី២៕ សុខ ខេមរា
