ខេត្តស្វាយរៀង៖ ម៉ូតូ២គ្រឿងបុកគ្នាបណ្ដាលអោយមនុស្សប្រុសស្រីរងរបួសធ្ងន់ស្រាលបង្កការភ្ញាក់ផ្អើលដល់អ្នកភូមិនិងសមត្ថកិច្ចមកអន្តរាគមន៏ជួយសង្គ្រោះទាំងព្រឹក។
ហេតុការណ៏នេះបានកើតឡើងកាលពីវេលាម៉ោង៦និង៥០នាទីព្រឹកថ្ងៃទី ០៣ ខែ កក្កដា ឆ្នាំ ២០២១ នៅលើផ្លូវជាតិលេខ១ ចន្លោះគីឡូម៉ែត្រលេខ ១៥៦-១៥៧ ស្ថិតនៅក្នុងភូមិព្រៃផ្តៅ សង្កាត់ច្រកម្ទេស ក្រុងបាវិត ខេត្តស្វាយរៀង។
សមត្ថកិច្ចនគរបាលក្រុងបាវិតបានអោយដឹងថាម៉ូតូបង្កហេតុមានម្ចាស់ឈ្មោះសុត ផា អាយុ ៣០ ឆ្នាំ ជនជាតិខ្មែរ មុខរបរលក់អេតចាយ រស់នៅភូមិសំឡី ឃុំសំឡី ស្រុកកំពង់រោទិ៍ ខេត្តស្វាយរៀង ជិះម៉ូតូម៉ាកHONDA C១២៥ ព៌ណ ខ្មៅ ពាក់ស្លាកលេខ កំពង់ចាម១K-៧៧៦៦ខូចខាតយ៉ាងដំណំ។
ចំណែកភាគីម្ខាងទៀតមានឈ្មោះ ឈ្មោះ រុន មុនីនាត ភេទ ស្រី អាយុ ២៨ ឆ្នាំ ជនជាតិខ្មែរ មុខរបរកម្មការនីរោងចក្រជីហ្វា រស់នៅភូមិចំបក់គុយ ឃុំកំពង់ចម្លង ស្រុកស្វាយជ្រំ ខេត្តស្វាយរៀងបើកបម៉ូតូម៉ាក HONDA C១២៥ ពណ៍ ខ្មៅ ពាក់ស្លាកលេខ ភ្នំពេញ១FK-០៥៣៩។
តាមសាក្សីបានអោយដឹងថាមុនកើតហេតុមានបុរសម្នាក់បានជិះម៉ូតូម៉ាកHONDA C១២៥ ព៌ណ ខ្មៅ ពាក់ស្លាកលេខ កំពង់ចាម១K-៧៧៦៦ក្នុងទិសដៅពីត្បូងទៅជើងនៅលើផ្លូវជាតិលេខ១ មិនគោរពសិទ្ធិអាទិភាពស្រាប់តែទៅបុកនិងម៉ូតូមួយគ្រឿងម៉ាកHONDA C១២៥ ពណ៍ ខ្មៅ ពាក់ស្លាកលេខ ភ្នំពេញ១FK-០៥៣៩ក្នុងទិសដៅបញ្ច្រាស់គ្នាយ៉ាងពេញទំហឹងបង្កការភ្ញាក់ផ្អើលទាំងព្រឹក។
ក្រោយមក អ្នករងរបួសទាំង ០២ នាក់ត្រូវបានសមត្ថកិច្ចដឹកមក សំរាកព្យាបាលនៅមន្ទីរពេទ្យខេត្តស្វាយរៀង និងធ្វើការវាស់វែងអូសយកមករក្សាទុកនៅអធិការដ្ឋាននគរបាលក្រុងបាវិត ដើម្បីចាត់ការតាមច្បាប់ ៕
ដោយ៖ យឹម សុថាន
