ភ្នំពេញ, ផេកឌៀង សារ៉ាន់ ស្រឡាញ់សន្តិភាព ! នាមសរសេរ ថា , នៅរសៀលថ្ងៃ១២កក្កដាចម្រៀងរបស់លោក ស៊ីន ស៊ីសាមុត ផ្តើមដោយពាក្យថា ទទួលសំបុត្ររែងស្លុតឱរ៉ា តែថ្ងៃ១២កក្កដាសម្រាប់ខ្ញុំ ទទួលបានសារឱរ៉ាណែនថប់ ។
សូមបងប្អូនយុវជនស្រលាញ់សន្តិភាពត្រូវរឹងមាំទាំងអស់គ្នា ។
សូមបញ្ជាក់ថា, ចាប់តាំងពីជំងឺកូវីដ-១៩ ចូលមកដល់កម្ពុជា យុវជនស្រលាញ់សន្តិភាពបានស្ម័គ្រចិត្តដោយឆន្ទៈចូលរួមជាមួយ ក្រុមគ្រូពេទ្យជំនាញ និងអាជ្ញាធរមូលដ្ឋាន ដើម្បីបម្រើការតាមជាក់ស្តែង ដែលគ្រូពេទ្យ និងអាជ្ញាធរដាក់អោយ ។
ក្នុងពេលដែលកំពុងបំពេញការងារនោះ ក៏មានបងប្អូនមួយចំនួនបានឆ្លងជំងឺអាក្រក់នេះជាបន្តបន្ទាប់ ដូចគ្រូពេទ្យ និងអាជ្ញាធរយើងមួយចំនួនដែរ តែត្រូវបានក្រុមគ្រូពេទ្យជំនាញ យកចិត្តទុកដាក់ព្យាបាលបានជាសះស្បើយប្រកបដោយភាពកក់ក្តៅ🙏🙏🙏
ផេកដដែលបានបន្តថា, ថ្ងៃនេះ សេចក្តីរាយការណ៍ពីសាខាខេត្តមកថា រកឃើញវិជ្ជមាន៤នាក់ថ្មីទៀត ក្នុងចំណោមក្រុមការងារជាង៥០នាក់ដែលកំពុងបំពេញរួមគ្នា យើងកំពុងស្រាវជ្រាវប្រមូលក្រុមការងារដែលពាក់ពន្ធ័ទាំងអស់មកពិនិត្យ ។ ពិតណាស់ថាសត្រូវគ្មានស្រមោលវាកំពុងវៃលុកមកលើពួកយើងដែលកំពុងនៅលើសមរភូមិមួយនេះតែយើងមិនចុះចាញ់និងមិនរាថយជាដាច់ខាត បងប្អូនត្រូវទៅមុខបន្តទៀតដោយស្វាហាប់ និង រឹងមាំ ភ្ជាប់ដោយការប្រុងប្រយត្ន័ខ្ពស់ ហើយឆ្ពោះទៅមុខជាមួយក្រុមគ្រូពេទ្យ និងអាជ្ញាធរ ក៏ដូចជារៀមច្បងយុវជនយើងបន្តទៀត។
សូមសំណាងល្អកើតមានចំពោះបងប្អូនយើងជានិច្ច (១២ កក្កដា ២០២១) សំណេរពីលោក ប៉ាន់ខែម ប៊ុនថន ស្រលាញ់សន្តិភាព៕

ដោយ, សិលា