ភ្នំពេញ ៖ បុរសម្នាក់បើករថយន្តកូរេដឹកអីវ៉ាន់ក្នុងល្បឿនលឿនខ្វះការប្រុងប្រយ័ត្នជ្រុលទៅបុកនិងម៉ូតូសណ្ដោងរម៉កមួយគ្រឿង រួចអូសម៉ូតូធ្លាក់ចូលប្រឡាយបណ្ដាលឲ្យរងការខូចខាតយ៉ាងដំណំ។

ហេតុការណ៍គ្រោះថ្នាក់ចរាចរណ៍នេះបង្កការភ្ញាក់ផ្អើលនៅវេលាម៉ោង៥និង៥០នាទីរសៀលថ្ងៃទី១៤ ខែកក្កដា ឆ្នាំ២០២១ ស្ថិតនៅតាមបណ្ដោយផ្លូវបេតុងជាប់នឹងផ្លូវរថភ្លើង ក្នុងសង្កាត់កាកាបទី២ ខណ្ឌពោធិ៍សែនជ័យរាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាពេលកើតហេតុគេបានឃើញម៉ូតូសណ្ដោងរម៉កមួយគ្រឿងម៉ាកវីវ៉ាពណ៌ខ្មៅពាក់ស្លាកលេខភ្នំពេញ1A 0320 បើកបរដោយបុរសម្នាក់ធ្វើដំណើរក្នុងទិសដៅពីលិចទៅកើតក្នុងល្បឿនលឿន លុះមកដល់ត្រង់ចំណុចកើតហេតុស្រាប់តែមានរថយន្តមួយគ្រឿងកូរ៉េដឹកទំនិញមួយគ្រឿងម៉ាកហ៊ីយ៉ាន់ដាយពណ៍សពាក់ស្លាកលេខភ្នំពេញ 3E 6281បើកបរដោយបុរសម្នាក់ធ្វើដំណើរក្នុងទិញដៅបញ្ច្រាស់គ្នាពីកើតទៅលិចក្នុងល្បឿនលឿន ជ្រុលទៅបុកនិងម៉ូតូសណ្ដោងរ៉ឺម៉កពេញទំហឹងរួចអូសម៉ូតូធ្លាក់ចូលប្រឡាយរងបណ្តាលឲ្យរងការខូចខាតរថយន្តនឹងម៉ូតូយ៉ាងដំណំ តែសំណាងល្អមិនបណ្តាលឲ្យមានអ្នករងរបួសនោះទេ។

ក្រោយកើតហេតុសមត្ថកិច្ចមូលដ្ឋានបានមកដល់ រួចបានទំនាក់ទំនងទៅសមត្ថកិច្ចជំនាញចរាចរណ៍មកធ្វើការវាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរង់ចាំធ្វើការដោះស្រាយគ្នានៅពេលក្រោយតាមផ្លូវច្បាប់៕

ដោយ៖ និនសុភ័ស្ត