ភ្នំពេញ៖ ហាងខារ៉ាអូខេ សំនៀងត្រជាក់ចិត្ត ដែលមានទីតាំងនៅជាប់សាលាសង្កាត់ចោមចៅ តាមបណ្តោយផ្លូវជាតិលេខ៤ ភូមិថ្នល់បំបែក សង្កាត់ចោមចៅ ខណ្ឌពោធិ៍សែន ត្រូវបានអជ្ញារធខណ្ឌពោធិ៍សែនជ័យចុះបិទជាបណ្តោះអាសន្ន កាលពីព្រឹកថ្ងៃទី២២ ខែមីនា ឆ្នាំ២០១៦ បន្ទាប់ពីមានជម្លោះដេញវាយគ្នាកាលពីយប់បង្កអោយមានការភ័យខ្លាយដល់ប្រជាពលរដ្ឋដែលនៅក្បែរ។
ប្រជាពលរដ្ឋដែលនៅក្បែរបានបង្ហើបឲ្យដឹងថា ម្ចាស់ទីតាំងត្រូវបានគេស្គាល់ឈ្មោះអឹម ស៊ីវន ភេទប្រុស អាយុជាង៣០ឆ្នាំ ។ នៅយប់ថ្ងៃទី២១ ខែមីនាឆ្នាំ២០១៦ នៅំណុចហាងខារ៉ាអូខេដែលមានយីហោ សំនៀងត្រជាក់ចិត្ត មានក្រុមក្មេងស្ទាវ២ក្រុមដែលមកចូលច្រៀងលេងខណៈចេញមកវិញស្រាប់តែឈ្លោះគ្នា និងដេញវាយគ្នាយ៉ាងអនាធិបតេយ្យបន្ទាប់មកពួកគេក៏បាននាំគ្នាជិះម៉ូតូគេចខ្លួនបាត់អស់។
ប្រជាពលរដ្ឋបានបន្តថា ទីតាំងហាងខារ៉ាអូខេខាងលើតែងតែបង្កសំលេងរំខានដល់ផ្ទះប្រជាពលរដ្ឋដែលនៅក្បែរ។ លុះព្រឹកថ្ងៃទី២២ ខែឆ្នាំដដែលត្រូវបានអជ្ញារធរខណ្ឌពោធិសែនជ័យចុះបិទជាបណ្តោះអាសន្ន។
អាជ្ញារធបានបន្តទៀតថា ហាងខារ៉ាអូខេខាលើមិនមានច្បាប់អនុញាតឲ្យបើកនោះទេដោយបច្ចុប្បន្នកំពុងតែរត់ការទៅខាងអជ្ញាធរដែលពាក់ព័ន្ធ។
គួរបញ្ជាក់ថា ហាងខារ៉ាអូខេនៅក្នុងមូលដ្ឋានខណ្ឌពោធិ៍សែនជ័យជាពិសេសនៅតាមបណ្តោយផ្លូវ២០០៤តែម្តង គឺតែងតែបង្កជម្លោះគ្នាស្ទើរតែរៀងរាល់យប់ ដោយឡែកក្រុមសន្តិសុខហាងដែរត់រដេញចាំចាប់ម៉ូយតាមដងផ្លូវយ៉ាងអនាធបតេយ្យ និងពេលខ្លះបង្កអោយអ្នកដំណើរខ្លះគ្រោះថ្នាក់ចរាចរណ៍ផងដែរ៕
...
ដោយ៖ សុខាសែនជ័យ
